Bikʼcạrko 21:25 - সান্তালী বাইবেল

²⁵ Unre hõ Israelko talare cele rajge bako tahẽkana. Ar okoe oka bhageye hudisetʼ tahẽkan onkageko kạmikan tahẽkana.

Bikʼcạrko 21:25 Referans Kwoze

Dosar Biboron 12:8

“Aperen Probhu Isor do sulukte girobasokʼ lạgitʼ okaṭakʼ sompottiye emape lạgidokʼkan onḍe do ńit hõ ạuripe seṭerokʼa. Ar ona disạmpe bololenre jãhãege acʼakʼ kusi sanaleka aloe kạmima.

Bikʼcạrko 17:6

Israelko talare unre hõ cele rajge bako tahẽkana. Onate okoe okaṭakʼ bhageye hudisetʼ tahẽkan onageye kạmikan tahẽkana.

Kạhtukko 3:5

Amakʼ goṭa ontorte Probhu Isorre bhorsa akae tahenme; ar amakʼ bujre do alom bhorsakʼa.

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Kạhtukko 14:12

Mitʼṭecʼ hor menakʼa okaṭakʼ do manwakoakʼ mẽtʼre ṭhik bujhạukʼkan, menkhan ona hor mucạtʼre do gujukʼ menakʼa.

Bikʼcạrko 19:1

Israelko talare tinre cele rapajge bako tahẽkanre mitʼṭen Liwi hoṛ do Ephrayim buru ṭoṭhareye girobasokʼkan tahẽkana. Uni do Jihudạ reakʼ Bethlehem atoren mitʼṭen chuṭki erae ạguan tahẽkana.

Bikʼcạrko 18:1

Onako dinre Israelko talare cele rapajkoge bako tahẽkana. Ar Israel gusṭiko modre Dan gusṭiren hoṛko do unhạbicʼ hõ jãhãn sompottige bako dokhol daṛe akawan tahẽkana. Ar onate onko do girobasokʼ lạgitʼ mitʼṭecʼ jaegako sendra baṛayetʼ tahẽkana.

Bikʼcạrko 18:7

Onko mõṛẽ hoṛ do unre onḍe khon Layisteko senena. Onkoko ńelkeda onḍenko hoṛ do Sidonrenko leka khạtirjoma, sulukte ar bin botorko girobasokʼ kana. Ona jaegare nonkan celege bạnukʼkoa, onko cetanre santaoko calao daṛeakʼ. Ona chaḍa onko do Sidonrenko khon hõ ḍher sạṅgińreko girobasokʼ kana ar eṭakʼ jãhãeko sãote jãhãn karbarge bạnukʼtakoa.

Bikʼcạrko 21:24

Inạ tayom Israelko do ona jaega bạgiyatʼte akoakʼ gusṭi ar bõsrenkoakʼ jaegateko calaoena.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.