Bikʼcạrko 21:22 - সান্তালী বাইবেল

²² Ado tinre onkoren apat se boehako ale ṭhen lạlis lạgitʼko hijukʼa unrele metakoa, ‘onko kuṛiko do dan alepe ar alere dayakʼpe. Lạṛhại jokhecʼ onko lạgitʼ kuṛiko do bale ńamletʼkoa. Niạ babotre apeakʼ jãhãn dos do bạnukʼa, ente ape apnarte aperen kuṛiko bape emakana.’ ”

Bikʼcạrko 21:22 Referans Kwoze

Bikʼcạrko 21:18

Aboren kuṛiko do onko tulucʼ babon bapla daṛeako, ente bon kiriạ akana, jãhãege Benjạminrenko lạgitʼ acʼren hoponerae emokʼ enḍekhan uni do sarapanicʼe hoyokʼa.”

Bikʼcạrko 21:1

Israelko do Mispare kiriạkateko menkeda, onko modre okoe hõ Benjamin gusṭiren hoṛko sãote akoren kuṛiko bako baplakoa.

1 Korinthiko 7:2

Menkhan goṭa ṭạnḍige loṭghuṭi hoyokʼ kana, onate mimitʼ herel hoṛren do rinicʼtetʼe tahentaema, ar mimitʼ maejiuren hõ jãwãetetʼe tahentaema.

Kạhtukko 20:25

Begor hudiste usạrate Probhu Isor lạgitʼ jãhãnakʼ manotakʼ do manwa lạgitʼ jhampa kangea.

Bikʼcạrko 21:14

Nonkate Benjạminrenko doko ruạṛ hecʼena. Ar Jabes Gileadre jiwetʼ dohoakatʼko kuṛiko sãote onkoakʼ bapla hoyena, menkhan kuṛikoakʼ lekha do thoṛayena.

Bikʼcạrko 21:7

Menkhan okoe sarecʼko tahẽyen onkoakʼ do cetʼlekate bapla reakʼ bon bebostaea? Abo ma Probhu Isor ńutumte bon kiriạ akan, aboren kuṛiko onkoren koṛako sãote babon baplakoa mente.”

Genesis 7:13

Oka hilokʼ dadakʼe ehopʼketʼ enhilokʼ Noha do, acʼren bạhu, acʼren hopon Shem, Ham ar Japhet ar onkoren bạhuko salakʼ jahajteye boloyena.

Genesis 1:27

Tayomte Isor do acʼleka mitʼṭen manwae benaokedea. Hẽ acʼakʼ muṭhạn lekageye benaokedea, uni do herel ar maejiukategeye sirjạuketʼkinạ.