Bikʼcạrko 20:9 - সান্তালী বাইবেল

⁹ Abo do gulibãṭkate Gibearen hoṛko upạrte bon rakapʼ calakʼa.

Bikʼcạrko 20:9 Referans Kwoze

Aposkạmi 1:26

Adoko gulibãṭketʼ khan Mạthiạ ńutum rakapʼena. Onate Mạthiạ do onko gelmitʼ apostolko sãoteye lekha mitʼena.

Jona 1:7

Ar jahaj cakʼlaoko hõ ako akoreko mepenena, “Noa muhinren dạyi do okoeye hoedaṛekokʼa, onate dela gulibãṭkate bon ńelma.” Arko gulibãṭketʼ khan onare Jonawakʼ ńutumge rakapʼena.

Kạhtukko 16:33

Hoṛko doko gulibãṭeda, menkhan ona reakʼ nitokʼ do Probhu Isorgeye ṭhikeda.

Nehemiạ 11:1

Disạm hoṛkoren mukhiyạko do Jerusalemreko girobasokʼ kan tahẽkana. Ar sarecʼ hoṛko doko gulibãṭkeda jemon onko modren gel hoṛko modre mitʼ hoṛ do jemon Jerusalemreye girobas daṛeakʼ ar sarecʼ are goṭen hoṛ do akoakʼ nij nij atoregeko tahenma.

1 Bõsbudạ 24:5

Eliaser ar Ithamar, niạ banar bõsren mukhiyạko do koejoṅ oṛakʼ reakʼ ar Isorren kạmiyạkoko tahẽkante okoe secʼhõ sen baṅkate gulibãṭkate naeke kạmiko hạṭińana.

Josuạ 14:2

Probhu Isor do Mose hotete okae hukumletʼ onkage Israelkoren are tala gusṭiko modre gulibãṭkate sompottiko hạṭińatʼkoa.

Bikʼcạrko 20:8

Noate sanam hoṛ mitʼ domte teṅgoyenteko menkeda, “Okoe hõ oṛakʼte do babon calakʼa; ar aboko modre mitʼhoṛ hõ babon ruạṛa.

Bikʼcạrko 20:10

Israelkoren sanam gusṭiko mod khon mimitʼ mitʼsae hoṛ khon gel hoṛ, hajarko khon mitʼsae ar gel hajar khon mitʼ hajar hoṛ bon bachaokoa. Onko do senkate lạṛhại phạdko lạgitʼ jomakʼko ạguiya; ar abo do Benjamin ṭoṭha reakʼ Gibeate senkate Israelko talare oka hirkhạwakʼko kạmi akatʼ ona reakʼ bon halawakoa.”