Bikʼcạrko 20:48 - সান্তালী বাইবেল

⁴⁸ Ar Israelko do ruạṛkate Benjạminren sarecʼ sanam hoṛko gocʼketʼkoa ar nagraha ar atore onkoren jãhãegeko ńamketʼko onko jotogeko gocʼketʼkoa. Onko do nagraha ar atote bolokate seṅgelte jotowakʼko jeretʼ giḍikada.

Bikʼcạrko 20:48 Referans Kwoze

Kạhtukko 18:19

Boeha hoteteye opoman ocoakan boeha do kajak nagraha khon hõe keṭecʼgea; ar jhogṛa kạphạriạu do raj dolan reakʼ huṛkạṛ leka.

2 Bõsbudạ 25:13

Ar okoe lạṛhại phạdko do Amasiại kol ruạṛletʼko tahẽkan onko do Samariạ khon Bet-horon hạbicʼ Jihudạ reakʼ sanam ato ar nagrahako akromonkeda. Onko do pe hajar hoṛko gocʼketʼkoa ar ạḍi utạr jinisko luṭ idikeda.

Bikʼcạrko 20:47

Menkhan Benjaminren turui sae hoṛ do hahaṅkar reakʼ Rimon buruteko ńir paskaoena ar pon cando onḍegeko tahẽyena.

Bikʼcạrko 21:1

Israelko do Mispare kiriạkateko menkeda, onko modre okoe hõ Benjamin gusṭiren hoṛko sãote akoren kuṛiko bako baplakoa.

Bikʼcạrko 21:23

Onate Benjạminreko doko onkakeda. Ar kuṛiko tinreko enejokʼ kan tahẽkana unre onko baplako lạgitʼ mitʼ hoṛkateko sapʼ idiketʼkoa. Ona tayom onko do apnarakʼ jaegate ruạṛ senkate ato ar nagrahako benaokeda ar girobasokʼko ehopʼena.