Bikʼcạrko 20:34 - সান্তালী বাইবেল

³⁴ Unre Israelren gel hajar bachao hoṛko do Gibea reakʼ samaṅ secʼ lạṛhạiko ehopʼena, ar onate ạḍi kajak lạṛhại hoyena; menkhan Benjaminren do bako bujhạu daṛeada, onkoakʼ maraokʼ do sorakana mente.

Bikʼcạrko 20:34 Referans Kwoze

Josuạ 8:14

Israelko ńelte Aeren raj do ạḍi setakʼre beretʼkate acʼren onko sãote lạṛhại lạgitʼ sanam hoṛkoante nagraha khone oḍokente Araba ṭạnḍire mitʼṭecʼ niṭ akatʼ jaegateye senena. Menkhan bae baḍae daṛeada nagraha tayom secʼre uni upạrte mitʼṭen lạṛhại phạd doko oko akana mente.

Jesaea 47:11

Menkhan am do durdosarem paṛaokʼa, ar mantar hotete hõ ona do bam kaṭao daṛeakʼa. Unre muhinrem paṛaokʼa, ar bam ṭarhao daṛeakʼa. Ar okaṭakʼ sorbonas babotre laha khon bam baḍaekan tahẽkan ona do ackage amre hecʼ paṛaokʼa.

Jobakʼ 21:13

Onko do suk nirạite dinko khemaoeda ar sulukte Sheolteko calakʼkana.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Mathae 24:44

Onate ape hõ sapṛao akan tahenpe, ente bape hudisetʼkan ghuṛirege Manwa Hopon doe hijukʼa.

Sosolhayic̕ 9:12

Okoe hõ bae baḍaea tinreye gujukʼa mente. Cetʼleka hako do jhạlireko aṭkaokʼ ar cẽṛẽ do jhampare onkage muhin do manwa cetanre ackage hijukʼa ar muhinreye paṛaoakʼ.

Kạhtukko 29:6

Bedhorom hoṛ do acʼakʼ kại gunạkʼte jhampareye paṛaokʼa, menkhan Isor botorae hoṛ doe rạskạkʼa are sereńa.

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Bikʼcạrko 20:35

Probhu Isor do enhilokʼ Israelkoakʼ tire Benjamin gusṭirenkoe jimạketʼkoa ar onko do bargel mõṛẽ hajar mitʼsae Benjaminren hoṛko gocʼketʼkoa. Onko sanamkoge tarwaṛe calaokoko tahẽkana.