Bikʼcạrko 20:16 - সান্তালী বাইবেল

¹⁶ Sanam lạṛhại phạdko modre eae sae leṅgṛa hoṛko tahẽkana okoe do gạkhuṛ salakʼ ginḍwạri hotete dhiriko capatʼ daṛeakʼkan tahẽkana.

Bikʼcạrko 20:16 Referans Kwoze

Bikʼcạrko 3:15

Inạ tayom Israelko do arhõ Probhu Isor ṭhenko rakʼkeda ar uni do onko lạgitʼ Ehud ńutuman mitʼṭen babańcaoicʼe teṅgowatʼkoa. Uni doe tahẽkana Benjạmin gusṭiren Gera hopon. Uni do leṅgṛageye tahẽkana. Ar Israelko do Moabren raj Eglon ṭhen raj bheja emokʼ lạgitʼko kolkedea.

1 Bõsbudạ 12:2

Noko do akʼsar sasapʼkoko tahẽkana ar onko do leṅga ti ar jojomtite hõ bạṭulko tuń daṛeakʼkan tahẽkana. Onko do Benjạmin gusṭiren Sạul bõsren hoṛko tahẽkana. Onko modre nokoko hoṛko tahẽkana:

2 Bõsbudạ 26:14

Usiạ do goṭa lạṛhại phạdko lạgitʼ ḍhal, borlom, bohokʼ aḍokʼakʼ, hoṛmo aḍokʼakʼ, ar akʼ sarko ar ginḍwạriko lạgitʼ do dhirikoe benao ocokeda.

1 Samuel 25:29

Ińren mạlik goje lạgitʼ jãhãeye khudạulere hõ ińiń baḍaea Probhu Isor do uniyakʼ jiwiye poṭom okokataea are rukhiyạyea. Menkhan amren bạirikoakʼ jiwi do ginḍwạrite dhiri ghiriyạ giḍikakʼ lekageye capatʼ giḍikoa.

1 Samuel 17:40

Ona tayom uni do acʼakʼ ṭheṅgae hataokeda ar jharna soḍokʼ khon mõṛẽ goṭecʼ cĩkạ̃ṛ cĩkạ̃ṛ dhiriye bachaoante acʼakʼ gukʼpi jholareye dohokeda. Nonkan jhola do eken gukʼpigeko beoharetʼ tahẽkana. Ar ona tayom do acʼakʼ ginḍwạri sapʼkate uni Philisṭi hoṛ secʼe laha idiyena.

Bikʼcạrko 20:17

Israelren sarecʼ lạṛhại phạdkoakʼ lekha do pon lakh tahẽkana. Onko do sanamkoge lạṛhạire ạḍi gạkhuṛko tahẽkana.