Bikʼcạrko 20:14 - সান্তালী বাইবেল

¹⁴ Onko do Israelko sãote lạṛhại lạgitʼ akoakʼ nagraha ar atoko khon oḍokkate Gibeare senkateko jarwayena.

Bikʼcạrko 20:14 Referans Kwoze

2 Bõsbudạ 13:13

Jerobiam do hape hapete Jihudạren lạṛhại phạdkoakʼ tayom secʼ mitʼ dol lạṛhại phạdkoe kolketʼkoa; onate uniren mitʼ dol lạṛhại phạdko do Jihudạ samaṅ secʼre ar mitʼ dol lạṛhại phạdko do Jihudạ tayom secʼreko tãṛãkʼena.

Numeri 21:23

Menkhan Sihon raj do acʼakʼ rajosṭi talate Israelko bae parom ocowatʼkoa. Uni do acʼren lạṛhại phạdante hahaṅkarre Israelko upạrte lạṛhại lạgitʼe oḍok hecʼena. Uni do Jahas nagrahare seṭerkate Israelko sãoteye lạṛhạiyena.

Numeri 20:20

Edomrenko do arhõko roṛgotʼkada, “Baṅa, nonkate do bale parom ocoapea.” Inạ tayom Edomrenko do lạṛhại phạdante akoakʼ daṛe udug lạgitʼ Israel hoponko upạrteko oḍok hecʼena.

Bikʼcạrko 20:13

Gibearen onko bạṛicʼ hoṛ do aleakʼ tire jimạkope jemon onkole gocʼkote Israelko tala khon hirkhạwakʼle ocokʼ giḍikakʼ. Menkhan Benjaminrenko do akoren Israel boehakoakʼ katha bako luturada.

Bikʼcạrko 20:15

Enhilokʼ onko do akoakʼ atoko ar nagraha khon bargel turui hajar lạṛhại phạdko jarwaketʼkoa. Ona chaḍa onko sãote Gibearen eae sae tarwaṛe calaokoko tahẽkana.