Bikʼcạrko 20:13 - সান্তালী বাইবেল

¹³ Gibearen onko bạṛicʼ hoṛ do aleakʼ tire jimạkope jemon onkole gocʼkote Israelko tala khon hirkhạwakʼle ocokʼ giḍikakʼ. Menkhan Benjaminrenko do akoren Israel boehakoakʼ katha bako luturada.

Bikʼcạrko 20:13 Referans Kwoze

Bikʼcạrko 19:22

Ado khạtirjomako tahẽkanre nagraharen kharap hoṛko do hecʼkate ona oṛakʼko gheraokeda. Onko do silpiń ḍhae ḍhae dal baṛakate haṛam hoṛko metadea, “Okoe hoṛ amakʼ oṛakʼteye hecʼakan uni do ale ṭhen oḍok ạguiyem. Ale do uni sãotele loṭghuṭiya.”

Dosar Biboron 17:12

Jãhãe hoṛ bạḍại salakʼ uni bikʼcạricʼakʼ katha se aperen Probhu Isorren sapʼdapʼicʼ naekeakʼ katha bae ańjom, enḍekhan uni do khạṭige gocʼ giḍikae hoyokʼa. Ar Israelko tala khon nonkan bạṛicʼ hoṛ dope marao utạrkoa.

Dosar Biboron 13:13

onḍenko Israelko modren thoṛa bạṛicʼ hoṛ do onḍenko hoṛko niạ menkate bạṛicʼ horteko or idiakatʼko, ‘dela bon, debotako bon sewawako ma,’ okoe do abo ṭhenko nãwãge.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Hosea 10:9

Probhu Isore meneda, “E Israel, Gibearem kạiletʼ khonge am dom kại ạguiyetʼkana, ar kạirege am dom tahẽyena. Lạṛhại do cetʼ Gibearen dusṭạmiren hoponko bae tiyokʼ daṛeakoa?

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Sosolhayic̕ 11:10

Amakʼ mon khon bhabna do sahaṛkakʼme, ar amakʼ hoṛmo do alom kosṭo ocowakʼa, ente juạn okte ar koṛa pạṛiạ do ạuṛiyakʼgea.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

2 Bõsbudạ 25:20

Menkhan Amasiạ do ona katha bae luturada. Noa do Isor khon hoyena, ente hoṛko do Edomren debotakoakʼ goṛoko khojletʼte Isor do Jehoahasakʼ tire onkoe jimạletʼkoa.

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

2 Bõsbudạ 13:7

Jerobiam do adomko okoḍa ar bhạṅgwạ hoṛko jarwakate Solomonren hopon Rehobiam upạrteye teṅgoyena. Ona jokhecʼ Rehobiam do juạn koṛa ar gạkhuṛ secʼte do komgeye tahẽkana; ar onko teṅgo daramko leka daṛe hõ baṅ tahẽkantaea.

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

2 Samuel 23:6

Menkhan bạṛicʼ hoṛ do totʼ giḍi ocokʼ jạnum leka kanako, one onko do tite ohoko sapʼlen.

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

1 Samuel 30:22

Menkhan Dạud sãote okoe haḍrap hoṛko tahẽkan onkoko menkeda, “Okoe abo sãote bako senlen onko do ona rukhiyạ ạguakatʼakʼ khon do babo emakoa. Onko do eken akoren bạhu ar onkoren hopon ar hoponerakoko idikotakoma.”

1 Samuel 2:25

Manwa do manwa upạrteye kại khan Isor do onae miṭmaṭ daṛeakʼa; menkhan Probhu Isor upạrte manwae kại enḍekhan uni lạgitʼ do okoeye nehõr daṛekokʼa?” Menkhan unkin do apatakʼ katha bạkin luturada, ente Probhu Isor do unkin gocʼkin reakʼe goṭa akatʼ tahẽkana.

Dosar Biboron 24:7

“Ar jãhãe hoṛ jãhãe Israel boeha kombṛo idikate guti menteye hataoe seye ạkhrińe, enḍekhan uni kombṛo hoṛ do gujukʼ hoyokʼtaea. Ape tala khon onkan bạṛicʼ hoṛ dope marao utạrkoa.

Dosar Biboron 22:24

enḍekhan unkin banarge onḍenakʼ phaṭok duạr ṭhen idikate dhirite tiń gocʼkin hoyokʼa. Kuṛi do noa iạtege goje hoyokʼa uni do ato se nagrahare tahẽkate hõ goṛo ńam lạgitʼ bae kikiạuleda, ar herel do eṭakʼ hoṛren bạhui nosṭokede iạte. Ape talare nonkan bạricʼ hoṛ dope marao utạrkoa.

Dosar Biboron 22:21

tobe kuṛi do acʼ apattetʼakʼ oṛakʼ reakʼ duạr ṭhen idiye hoyokʼa. Ar onḍe herel hoṛko do dhirite uniko tiń gojea. Kuṛi do apattetʼakʼ oṛakʼre tahen jokhecʼe laṭghaṭletʼ iạte Israelko talare mitʼṭecʼ hirkhạwakʼe kạmiakada. Ar ape tala khon nonkan bạṛicʼan hoṛ dope marao utạrkoa.

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

Dosar Biboron 19:19

enḍekhan acʼren boeha cetanre oka cekawaeye menletʼ onage uni cetanre hõ hoyocoe hoyokʼa. Ar ape tala khon nonkanko hoṛ dope marao utạrkoa.

Dosar Biboron 17:7

Uni hoṛ goje lạgitʼ do gohakoge pạhilre dhiriteko tiń maṛaṅema, ar ona tayom do eṭakʼ hoṛkoko tińea. Ar nonkate ape tala khon uni bạṛicʼ hoṛpe marao giḍikaea.

Dosar Biboron 13:5

Menkhan uni nạbi se uni kukmũ ńeńelicʼ hoṛ dope gocʼ giḍikaea, ente aperen Probhu Isor, okoe do Misor disạm khone oḍok ạguakatʼpe ar golam oṛakʼ khone chaḍao akatʼpe, uni upạrteye uskạu akatʼpea ar aperen Probhu Isor oka horte calakʼ reakʼe hukumakatʼpe ona hor khon ruạṛpe lạgitʼe kurumuṭukana. Onate ape tala khon uni bạṛicʼicʼ dope marao giḍikaea.

2 Korinthiko 6:15

Mạsi tulucʼ Beliạlakʼ, metakʼme Soetanakʼ aṛaṅ do cetʼ jurikʼ kangea? Isorren hoṛko lekate biswạsikoakʼ oka bakhra onare cetʼ bin biswạsikoakʼ bakhra do menakʼgea?

Bikʼcạrko 20:12

Onko do Benjamin ṭoṭha reakʼ sanam jaegare hoṛ kolkateko kuliyana, “Apeko modre nonkan bạṛicʼakʼ kạmi do cekatepe kạmikeda?

Bikʼcạrko 20:14

Onko do Israelko sãote lạṛhại lạgitʼ akoakʼ nagraha ar atoko khon oḍokkate Gibeare senkateko jarwayena.

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’