Bikʼcạrko 2:21 - সান্তালী বাইবেল

²¹ Ona iạtege Josuạwakʼ gujukʼ oktere okoe jạtrenko disạmreko tahẽkan onko do Israelko samaṅ khon bạń laga ńirkoa.

Bikʼcạrko 2:21 Referans Kwoze

Josuạ 23:13

enḍekhan khạṭige baḍaekakʼpe, aperen Probhu Isor do ape samaṅ khon ar bae laga ńirkoa. Ona bodolte onko do aperen jhãmpa ar pạsi lekako hoyokʼa arpe sapʼ ocokʼa ar onko do apeakʼ dea reakʼ cạbuk ar mẽtʼ reakʼ jạnumko hoyokʼa. Ar nokʼõe napae okocʼ disạm aperen Probhu Isore emakawatʼpe nonḍe khonpe marao utạrokʼa.

Bikʼcạrko 2:3

Ona iạte ńitokʼ iń metape kana, ape ṭhen khon noko hoṛ do ar bạń laga oḍokkoa; onko do ape lạgitʼ jhampa lekako hoyokʼa, ente onkoren debotakoakʼ jhạlirepe paṛaokʼa. ”

Jeheskel 20:24

ente onko do ińakʼ ạn-ạri bako manaoleda, ińakʼ niạmko nihạ̃t giḍiakada, iń emakʼ jirạukʼ mãhã reakʼ sonottetʼ bako rukhiyạleda, ar akoren hapṛamkoren boṅga murhutʼkoge bhageko hudiseketʼkoa.

Bikʼcạrko 3:3

Onko jạtrenko doko hoyokʼ kana, Philisṭiko ar onkoren mõṛẽ goṭen raj, Kananrenko ar Sidonrenko ar Hiwiko. Bakʼal-hermon buru khon ehopʼkate Homat hạbicʼ Lebanon reakʼ oka buru ṭoṭhako menakʼ onakorege Hiwiko doko tahenkan tahẽkana.

Josuạ 23:4

Jordan gaḍa khon pạchim jalapuri hạbicʼ okoe jạtrenkoń marao akatʼko ar okoe jạtrenko ńithõ sarecʼ menakʼko onko sanamkoakʼ jaega do apeakʼ gusṭiko talare sompotti lekateń hạṭiń akatʼkoa.

Josuạ 23:5

Aperen Probhu Isor do unige onko sarecʼ jạtrenko apeakʼ hor khone ocokʼkoa. Ape samaṅ khon uni doe laga ńirkoa ar ape do aperen Probhu Isorakʼ gokʼakʼ lekate onkoakʼ jaegape dokholjoṅa.

Bikʼcạrko 1:1

Josuạwakʼ gujukʼ tayom Israelko do Probhu Isorko kulikedea, “Kananrenko sãote lạṛhại lạgitʼ pạhilte do okoeye calakʼtalea?”

Bikʼcạrko 3:1

Okoe Israelko Kanan disạmre lạṛhại reakʼ cetʼge bako baḍaekan tahẽkan onko biḍạu aṭkarko lạgitʼ Probhu Isor do adom adom jạtrenko disạm talaregeye dohokatʼkoa.