Bikʼcạrko 2:20 - সান্তালী বাইবেল

²⁰ Ona iạte Probhu Isor do Israelko cetanre edreteye menkeda, “Nokoren hapṛamko okaṭakʼ iń bondobosatʼko tahẽkan ona do noko bako manao akada ar ińakʼ katha hõ bako ańjom akada.

Bikʼcạrko 2:20 Referans Kwoze

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Jeheskel 20:37

Ińakʼ ṭheṅga latarteń sen parom ocopea; ar ińakʼ bondobos reakʼ tonolreń aderpea.

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Bikʼcạrko 10:7

Ona iạte uni do onko cetanre edrete pit caṛhaoadea ar Philisṭiko ar Amonrenkoakʼ tireye jimạkatʼkoa.

Bikʼcạrko 3:8

Ona iạte Probhu Isor do Israelko cetanreye edre seṅgelena ar Aram-Nahrayimren raj Kusan-Risithayimakʼ tire onkoe jimạketʼkoa. Ar onko do irạl bochor uni tabereko tahẽyena.

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

Bikʼcạrko 2:19

Menkhan disạm cakʼlaokoko gocʼlen khan hoṛko do arhõ debota secʼko lawerokʼkan tahẽkana arko sewawako kan tahẽkana ar hapṛamko khon hõ bạṛicʼakʼ horteko taṛametʼ tahẽkana. Onko do okalekate hõ bạṛicʼakʼ hor ar bạṛicʼ hewa bako bạgiyakʼkan tahẽkana.

Sereńko 78:10

Onko do Isorakʼ bondobos bako manaoleda, ar uniyakʼ ạn ạriko leka calakʼ hõ bako aṅgocleda.

Numeri 32:13

Israelko cetanre Probhu Isorakʼ edre do rakapʼena ar uni samaṅre bạṛicʼko kạmikan sanam hoṛko ạuriko marao cabakʼ hạbicʼ pongel bochor hạbicʼ uni do hahaṅkarreye ạcur baṛaletʼkoa.

2 Samuel 24:1

Probhu Isor do arhõ Israelko cetanre pit caṛhaoentaea. Uni do onko upạrte Dạude uskurkedeteye metadea, “Am do senkate Israel ar Jihudạren hoṛkom lekhakoa.”

Sereńko 106:40

Onate Probhu Isorakʼ edre do onko hoṛ cetanre caṛhaoena; ar okoe acʼakʼ ạidạrireko tahẽkan onko doe hirkhạwatʼkoa.