Bikʼcạrko 2:18 - সান্তালী বাইবেল

¹⁸ Probhu Isor do tinre onko lạgitʼ jãhãe disạm cakʼlaoyicʼe teṅgoyetʼko tahẽkana unrege uni do onko tulucʼe tahenkan tahẽkana. Ar disạm cakʼlaoyicʼ tinạkʼ din jiwetʼe tahenkan tahẽkan unạkʼ din bạirikoakʼ ti khon Israelkoe rukhiyạyetʼko tahẽkana. Onko do santao iạte tinreko rakʼetʼ tahẽkana unre Probhu Isor do onko cetanreye dayakʼ kan tahẽkana.

Bikʼcạrko 2:18 Referans Kwoze

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Exodus 2:24

Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

2 Rapajko 13:4

Inạ tayom Jehoahas do Probhu Isor ṭhene nehõrena ar Probhu Isor do uniyakʼe ańjomketʼtaea, ente Aramren raj do ạḍi bạṛicʼ Israelko cetanre jor julume calaoetʼ tahẽkana ar ona do uniye ńelkeda.

Bikʼcạrko 10:16

Inạ tayom onko talare tinạkʼ debotako tahẽkan onko jotoko ocokʼ giḍikatʼkoa ar Probhu Isor sewawaeko ehopʼena. Israelkoakʼ kosṭo ńelte Probhu Isor do monre duke ńamkeda.

Genesis 6:6

Onate Probhu Isor do ontorreye dukena. Ar dhạrtiren manwae sirjạukedete bhabna iạteye menkeda, “Ińren benaoicʼ manwa do dhạrti khoniń marao utạrea; ar uni sãote sanam jiwiyanko, leńokʼ ṭunḍạṅko ar coṭren cẽṛẽko hõń maraokoa. Noakoń benao akatʼte iń do monre ạḍi dukiń ńameda.”

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Jona 3:10

Ar Isor do onkoakʼ kạmikoe ńelketʼtakoa, cetʼleka onko do akoakʼ bạṛicʼ hor khonko ạcurena, ar Isor do ona bạṛicʼ ńutumteye kastaoena one oka onko cetanre kạmi lạgitʼe roṛletʼ ona do ar bae onkaleda.

Sereńko 90:13

E Probhu Isor, ar tinạkʼ din? Ma ruạṛokʼme, amren golamkore mãyãkʼme.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Numeri 10:9

Apnarakʼ disạmre tahen jokhecʼ aperen bạiriko sãotepe lạṛhạire banar pepṛẽtʼ mitʼ dhaotepe oroṅa. Unre aperen Probhu Isor do ape lạgitʼe dạndikʼte bạirikoakʼ ti khone rukhiyạpea.

Bikʼcạrko 2:19

Menkhan disạm cakʼlaokoko gocʼlen khan hoṛko do arhõ debota secʼko lawerokʼkan tahẽkana arko sewawako kan tahẽkana ar hapṛamko khon hõ bạṛicʼakʼ horteko taṛametʼ tahẽkana. Onko do okalekate hõ bạṛicʼakʼ hor ar bạṛicʼ hewa bako bạgiyakʼkan tahẽkana.

Exodus 32:14

Niạ katha ańjomkate Probhu Isor do daya hecʼadea. Uniren hoṛko cetanre oka muhin ạgui reakʼ kathae menletʼ ona do ar bae ạguleda.

Bikʼcạrko 3:9

Menkhan Israelko do Probhu Isorko rakʼade khan onko lạgitʼ mitʼṭen babańcaoicʼe teṅgowatʼkoa. Uni doe hoyokʼkana Kenas hopon Kaleb bokot Othniyel.

Bikʼcạrko 6:12

Unre Probhu Isorren goḍet do Gideon ṭhen ńel ocoyenteye metadea, “E daṛean bir, Probhu Isor do am sãore menaea.”

Bikʼcạrko 6:16

Probhu Isore roṛ ruạṛketʼteye menkeda, “Iń do am sãoteń tahena, ar onate sanam Midiạnrenko do mitʼ hoṛ lekagem haraokoa.”

Bikʼcạrko 11:32

Inạ tayom Jiptha do Amonrenko sãote lạṛhại lạgitʼe oḍok senena ar Probhu Isor do uniyakʼ tire Amonrenkoe soprotʼketʼkoa.