Bikʼcạrko 2:16 - সান্তালী বাইবেল

¹⁶ Unre Probhu Isor do onko talare disạm cakʼlaokoe teṅgoyetʼko tahẽkana. Onko do luluṭko reakʼ ti khon Israelkoko rukhiyạyetʼko tahẽkana,

Bikʼcạrko 2:16 Referans Kwoze

Aposkạmi 13:20

Noako sanamakʼ hoy purạukʼte pon sae mõṛẽgel bochor lagaolena. “Noa tayom Sạmuel nạbi hạbicʼ Isor do bicạricʼe ematʼko tahẽkana.

1 Samuel 12:11

Unre Probhu Isor do Jerubakʼal, ar Barak, Jephtoha ar Samuel tekoe kolletʼkote ape beṛhaeten bạirikoakʼ ti khone rukhiyạketʼpea. Ar ona tayom ape nirạite girobasokʼpe ehopʼena.

Nehemiạ 9:27

Onatege am do bạirikoakʼ tirem jimạletʼkoa ar bạiriko do onkoko santaoetʼko tahẽkana. Onkoakʼ kosṭo oktere onko do am ṭhenko rakʼ homoretʼ tahẽkana ar am do serma khonem ańjomletʼtakoa. Amakʼ maraṅ daya iạte onko bańcaoko lạgitʼ hoṛkom kolletʼkoa. Ar bạirikoakʼ ti khon onkom bańcaoketʼkoa.

Bikʼcạrko 3:15

Inạ tayom Israelko do arhõ Probhu Isor ṭhenko rakʼkeda ar uni do onko lạgitʼ Ehud ńutuman mitʼṭen babańcaoicʼe teṅgowatʼkoa. Uni doe tahẽkana Benjạmin gusṭiren Gera hopon. Uni do leṅgṛageye tahẽkana. Ar Israelko do Moabren raj Eglon ṭhen raj bheja emokʼ lạgitʼko kolkedea.

Bikʼcạrko 6:14

Probhu Isor do uni secʼ ạcurenteye menkeda, “Amakʼ niạ daṛetege Do calakʼme ar Midiạnrenkoakʼ ti khon Israelko bańcaokom, ente ińgeń koletʼmea.”

Bikʼcạrko 4:5

Uni do Ephrayem buru ṭoṭhako reakʼ Rama ar Bethel tala reakʼ mitʼṭecʼ khijur dare buṭạreye duṛupʼkan tahẽkana, ar Israelko do akoakʼ jhogṛa emanko miṭmaṭ lạgitʼ uni ṭhenko hijukʼkan tahẽkana.

Bikʼcạrko 10:1

Abimelek tayom Tola ńutuman Isakar gusṭiren mitʼṭen hoṛ do Israel hoponko rukhiyạko lạgitʼe hecʼena. Tola doe hoyokʼ kana Puaren hopon ar Dodoren do goṛomtetʼ koṛa. Ephrayim buru ṭoṭha reakʼ Semirre uni doe girobasokʼkan tahẽkana.

Rut reakʼ kạhini 1:1

Bikʼcạrkoakʼ bidạlre Israelkoakʼ disạmre mitʼṭecʼ akal hoylena. Unre Jihudạ disạm reakʼ Bethlehem atoren mitʼṭen hoṛ do acʼren bạhu ar barea hoponkin soṅgekate thoṛa okte lạgitʼ Moab disạmte senkate girobasokʼe ehopʼena.

Bikʼcạrko 3:31

Ehud tayom do Anatren hopon Samgar onkoren raje hoyena. Uni do ḍaṅgra gupi ṭheṅgate Philisṭikoren turui sae hoṛe gocʼketʼkoa. Uni hõ Israelkoe rukhiyạletʼkoa.

Bikʼcạrko 11:32

Inạ tayom Jiptha do Amonrenko sãote lạṛhại lạgitʼe oḍok senena ar Probhu Isor do uniyakʼ tire Amonrenkoe soprotʼketʼkoa.

1 Samuel 14:48

Uni do birbanṭa leka lạṛhạikate Amalekikoe bhagaoketʼkoa ar luluṭkoakʼ ti khon Israelkoe rukhiyạketʼkoa.