Bikʼcạrko 2:13 - সান্তালী বাইবেল

¹³ Ar nonkate onko do Probhu Isor bạgikate Bakʼal debota ar Asṭoret debiko sewawae kan tahẽkana.

Bikʼcạrko 2:13 Referans Kwoze

Bikʼcạrko 10:6

Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.

Sereńko 106:36

Onkoren murtikoko sewawatʼkoa ar onko do akoren jhampako hoyena.

Bikʼcạrko 3:7

Ar Israelko do Probhu Isorakʼ mẽtʼre oka bạṛicʼakʼkan onage kạmiko ehopʼena. Onko do akoren Probhu Isorko hiṛińkedete Bakʼal debota ar Asera debi sewawaeko ehopʼena.

1 Korinthiko 8:5

Serma se otre deb-debi mente jãhãe menakʼko khan enḍekhan debota hõ aema, isor hõ aema ar probhu hõ aema menakʼkoa.

2 Rapajko 23:13

Jerusalem purub secʼ dhaṅ dhaserakʼ buru reakʼ dạkhin secʼre okako than boṭkocʼ tahẽkan onako hõ uni doe bhõnḍ ocokeda. Israelren raj Solomon do Sedonikoren Astoret debota lạgitʼ, Moabikoren Kemos debota lạgitʼ ar Amonren Melok debota lạgitʼ niạko than boṭkocʼ doe benaoleda.

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

1 Rapajko 11:5

Uni do Sidonikoren debota Astoret ar Amonikoren debota Milkom sewawạkine ehopʼena.

1 Samuel 31:10

Ona tayom Sạulakʼ khanḍa bhanḍa hataokate Astarot reakʼ mundilreko dohokada ar uniyakʼ hoṛmo do Betsan nagraha reakʼ bhitreko akakada.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”

1 Samuel 12:10

Unre aperen hapṛam do Probhu Isor ṭhen rakʼketʼteko menkeda, ‘ale dole kại akada; ale do Probhu Isor bạgikate Bakʼal ar Astoretle pujạ akawatʼkinạ; ńitokʼ bạirikoakʼ ti khon baṛe rukhiyạleme, ar ale do amgele sewawama.’

2 Bõsbudạ 7:22

Ar hoṛkoko roṛ ruạṛa, ‘noa reakʼ karon do hoyokʼkana, okoe do Misor disạm khone oḍok ạguletʼko onko hapṛamkoren Probhu Isor do onkoe bạgi giḍi akatʼkoa. Onko do debota secʼko ghańjeṛ akana ar onkoko sewawako kana; ar onatege uni do onko cetanre noa bạṛicʼakʼe paṛao ocoakada.’ ”

Numeri 25:3

Nonkate Israelko do Pior burure Bakʼal debota sewawaere seledokʼko ehopʼena. Onate Probhu Isor do onko cetanre ạḍiye edreyena.

2 Bõsbudạ 12:2

Probhu Isorre bepạtiạu iạte Rehobiamakʼ rajokʼ mõṛẽakʼ bochorre Misorren Sisak raj do Jerusaleme akromonkeda.

2 Bõsbudạ 28:3

Uni do Bin Hinomakʼ buru lodamre dhupkoe jeretʼetʼ tahẽkana ar Probhu Isor do Israelko samaṅ khon okoe jạtrenkoe laga ńirletʼko tahẽkan onkoakʼ bạṛicʼakʼ kạmiko lekage uni hõ acʼren hoponko seṅgelreye samaṅletʼkoa.

2 Bõsbudạ 33:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Ona chaḍa uni do Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren ipilkoe sewawako kan tahẽkana are ḍobokʼako kan tahẽkana.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jirimiạ 16:11

Unre am do onkom metakoa, Probhu Isore meneda, ‘noa reakʼ karon do hoyokʼ kana aperen hapṛamko do ińko bạgi giḍi akadińa ar debotako pańja akatʼkote onkoko sewa akatʼkoa. Onko doko bạgi giḍi akadińa ar ińakʼ ạn-ạriko bebatao akada.