Bikʼcạrko 19:30 - সান্তালী বাইবেল

³⁰ Ar okoe onako ńelketʼ onko mimitʼkoko menkeda, “Israelko Misor khonko oḍok hecʼen hilokʼ khon teheń hạbicʼ nonkanakʼ kạmi do baṅ hoyakana ar ńel hõ baṅ ńel akana. Ape do niạ babotre hudispe, sopolhaepe ar cetʼ bon cekaea ona reakʼ lạipe.”

Bikʼcạrko 19:30 Referans Kwoze

Bikʼcạrko 20:7

Ńitokʼ do E Israelko, niạ babotre sopolhakate mitʼṭecʼ roṛ ruạṛ imạńpe.”

Kạhtukko 13:10

Bạḍại do jhogṛa ar reṭepeṭeye sirjạu ocoya, menkhan okoe hukumko ańjometʼ onko ṭhen do ạkil ńamokʼa.

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Kạhtukko 24:6

Lạṛhạiyem calakʼre buj sujtem calakʼa ar ḍher solhako iạtege jit do hoyokʼtama.

Kạhtukko 20:18

Solhakate goṭaeme; ar buj sujkate lạṛhại reakʼ lại saḍeme.

Kạhtukko 15:22

Solha begor goṭawakʼ do baṅ purạukʼa, menkhan saṅge sosolhakote ona do purạukʼgea.

Kạhtukko 11:14

Lek lekate ạyur reakʼ buj begorte jạtrenko doko ńurokʼa, menkhan aema solhakoko hoylen khan jạtrenko do bańcaoko ńama.