Bikʼcạrko 19:25 - সান্তালী বাইবেল

²⁵ Menkhan onko hoṛ do uniyakʼ kathare bako rạjilena. Unre Liwi hoṛ do acʼren chuṭki era sapʼkate bahrete onko ṭhene oḍok gotʼkadea. Onko do goṭa ńindạ jorkate uni tulucʼko laṭghaṭkeda ar uniyakʼ hoṛmo cetanre akoakʼ kusi lekako kạmikeda. Ona tayom onko do aṅga marsalokʼ jokhecʼko aṛakʼkadea.

Bikʼcạrko 19:25 Referans Kwoze

Ephesiko lạgitʼ Pạul Apostolakʼ ciṭhi 4:19

Onkoakʼ bibek do goṛdho akantakoa, onate bin tirpitokʼ ahkao monte joto lekan bin napaeakʼ kạmi lạgitʼ onko do lucạ lamoṭreko capaoena.

Hosea 10:9

Probhu Isore meneda, “E Israel, Gibearem kạiletʼ khonge am dom kại ạguiyetʼkana, ar kạirege am dom tahẽyena. Lạṛhại do cetʼ Gibearen dusṭạmiren hoponko bae tiyokʼ daṛeakoa?

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Genesis 4:1

Adam do acʼren bạhu Hawa tulucʼe giticʼmitʼen khan Hawa doe bhạrti hoṛmoyena, ar Kain ńutuman mitʼṭen koṛa hopone janamkedea. Unre Hawae menkeda, “Probhu Isor do mitʼṭen koṛa hopone emakawạdińa.”

Bikʼcạrko 19:24

Ińren kũạri kuṛi ar uni hoṛren chuṭi era nonḍe menakʼkinạ. Iń do ape ṭhen unkin geń oḍok ạgukinạ. Ape do unkin bạṛicʼkinpe ar apeakʼ oka monsubạ menakʼtape onage unkin cetanre kạmipe, menkhan nui hoṛ cetanre bạṛicʼakʼ jãhãnakʼ do alope cekaea.”

Bikʼcạrko 19:26

Unre uni maejiu do acʼren jãwãetetʼ okareye tahẽkan uni haṛamakʼ oṛakʼ reakʼ duạr ṭhen hecʼkateye sohor bhindạṛena. Ar cando ạuriye rakabokʼ hạbicʼ onḍege bhindạṛgeye tahẽkana.

Bikʼcạrko 20:5

Ńindạ jokhecʼ Gibearen hoṛ do iń sendrayiń lạgitʼ oṛakʼko gheraokeda. Onko do iń gojeńko menleda, menkhan ona bodolte ińren chuṭki era tulucʼ jorkateko laṭghaṭkeda, ar onate uni doe gocʼena.