Bikʼcạrko 19:21 - সান্তালী বাইবেল

²¹ Noa menkate uni haṛam hoṛ do acʼakʼ oṛakʼteye idiketʼkoa ar onkoren gadhakoe jom ocoketʼkoa. Ar onko hõ ti-jaṅga ạbuk baṛakateko jom ńũkeda.

Bikʼcạrko 19:21 Referans Kwoze

Luk 7:44

Ona tayom Jisu do maejiu secʼ beṅgetʼkate Simone metadea, “Nui maejiu baṛe ńeleme. Iń do amakʼ oṛakʼteń hecʼena ar jaṅga ạbukokʼ lạgitʼ dakʼ hõ bam emadińạ, menkhan uni do mẽtʼ dakʼte ińakʼ jaṅgakine ạbukkeda ar acʼakʼ upʼteye jotʼketʼtińạ.

Genesis 43:24

Ona tayom uni do sanamko Josephakʼ oṛakʼ bhitriteye aderketʼkote ạbukokʼ lạgitʼ dakʼe ematʼkoa ar onko do jaṅgako ạbukena. Uni do onkoren gadhako hõe jom ocoketʼkoa.

Genesis 18:4

Iń do dakʼiń ạguyeda, ar ape do jaṅga ạbukokʼpe. Ar ona tayom do noa dare buṭạre mitʼ ghạṛi jirạu hataṛokʼpe.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

2 Samuel 11:8

Ona tayom uni do Uriại metadea, “Amakʼ oṛakʼte senkate ti jaṅga ạbukokʼte jirạukʼme.” Uriạ do raj oṛakʼ khone oḍokena ar raj do uni lạgitʼ thoṛa sandese kolkeda.

1 Samuel 25:41

Niạ katha ańjomkate Abigael do otre ombakʼente Dạud ńutumteye menkeda, “Iń do amren kạ̃ṛmĩ kạnạń; amren gutiko sapʼsorako ar jaṅga ạbukko lạgitʼ doń sapṛaogea.”