Bikʼcạrko 19:10 - সান্তালী বাইবেল

^10-11 Menkhan uni hoṛ do onḍe tahẽ aṅgakʼ bae kusilena. Onate uni do gadhae palanketʼkinte acʼren chuṭki erawante onḍe khon ruạṛokʼe ehopʼena. Onko do tinre Jebusi, metakʼme Jerusalem sorko seṭerena unre bela doe hạsurokʼkan tahẽkana. Unre guti do acʼren kisạ̃ṛe metadea, “Dela bon, Jebusikoakʼ nagrahare senkate bon tahẽ aṅgakʼa.”

Bikʼcạrko 19:10 Referans Kwoze

Josuạ 15:63

Jihudạ gusṭi do menkhan Jebusiko bako laga ńir daṛeatʼkoa. Jebusiko do Jerusalemren hoṛko tahẽkana. Jihudạ gusṭiren hoṛko sãote Jibusiko do teheń hạbicʼ onḍeko girobasokʼkana.

Josuạ 15:8

Onḍe khon ona do Jebusikoakʼ nagraha reakʼ, metakʼme Jerusalem reakʼ dạkhin dhasnako reakʼ jaega hạbicʼ senkate Ben-Hinom buru muthnite rakapʼ calaoena. Ar onḍe khon simạna do Rephayim tapol reakʼ utạr simạna reakʼ Hinom tapol reakʼ pạchimre okaṭakʼ buru menakʼ onḍe hạbicʼ rakapʼena.

2 Samuel 5:6

Raj ar uniren lạṛhại phạdko do Jebusiạko akromonko lạgitʼ Jerusalem secʼko laha idiyena. Unre Jebusiạko do Jerusalemreko girobasokʼkan tahẽkana. Onko do Dạudko metadea, “Nonḍe do bam bolo daṛeakʼa; kãṛã ar leḍhakoge amko laga ńirmea.” Onko doko hudisetʼ tahẽkana Dạud do onḍe bae bolo daṛeakʼa.

Bikʼcạrko 1:8

Jihudạ-gusṭiren hoṛko do Jerusalem upạrteko lạṛhạiyena ar onako hatkeda. Onko do nagraharen hoṛko gocʼketʼkote nagrahare seṅgelko jeretʼada.

Bikʼcạrko 19:9

Ona tayom Liwi do acʼren chuṭki era ar gutiyante tinre calakʼ lạgitʼe sapṛaoena unre hońhartetʼe menkeda, “Ńelben, ber doe khaṭogea are ạyubokʼ lạgidokʼ kana. Onate nonḍege tahen ben ar rạskạ joṅben. Ar gapa do ạḍi setakʼre beretʼkate abenakʼ oṛakʼte ruạṛben.”