Bikʼcạrko 19:1 - সান্তালী বাইবেল

¹ Israelko talare tinre cele rapajge bako tahẽkanre mitʼṭen Liwi hoṛ do Ephrayim buru ṭoṭhareye girobasokʼkan tahẽkana. Uni do Jihudạ reakʼ Bethlehem atoren mitʼṭen chuṭki erae ạguan tahẽkana.

Bikʼcạrko 19:1 Referans Kwoze

Bikʼcạrko 18:1

Onako dinre Israelko talare cele rapajkoge bako tahẽkana. Ar Israel gusṭiko modre Dan gusṭiren hoṛko do unhạbicʼ hõ jãhãn sompottige bako dokhol daṛe akawan tahẽkana. Ar onate onko do girobasokʼ lạgitʼ mitʼṭecʼ jaegako sendra baṛayetʼ tahẽkana.

Bikʼcạrko 17:8

Uni do eṭakʼ jãhãreye tahena mente jaega sendrae lagitʼ Bethlehem bạgikateye oḍok calaoena. Ar Ephrayim buru ṭoṭhareye tahẽnkan uni Mikạwakʼ oṛakʼteye boloyena.

Mathae 2:6

‘E Jihudạ reakʼ Betlehem, am do Jihudạren ạkʼyurko khon oka secʼte hõ bam huḍińa, ente am bhitri khon nonkan mitʼṭen ạyuricʼe oḍokokʼa, okoe do ińren Israel jạtrenkoe ạyurko.’ ”

Malaki 2:15

Probhu Isor do jãwãe ar maejiu cetʼ bae mitʼ akatʼkinạ? Hoṛmo ar jiu do uniren kangea kin. Unkin do cekate kin mitʼgea? Ente uni do unkin hotete Isore botorae kan mitʼ bõsrenko rukhiyạkoe menleda. Ar onate ape do apeakʼ ontor babotre sontor akae tahenpe; jemon juạn okteren bạhuko sãote phạsiạrako alope hoyokʼ.

Bikʼcạrko 21:25

Unre hõ Israelko talare cele rajge bako tahẽkana. Ar okoe oka bhageye hudisetʼ tahẽkan onkageko kạmikan tahẽkana.

Bikʼcạrko 17:6

Israelko talare unre hõ cele rajge bako tahẽkana. Onate okoe okaṭakʼ bhageye hudisetʼ tahẽkan onageye kạmikan tahẽkana.

Josuạ 24:33

Inạ tayom Aronren hopon naeke Eleaser hõe gocʼen khan uni do Gibeareko topakadea. Noa Ephrayim buru ṭoṭha reakʼ ṭhạ̃i do uniren hopon Phinehase emocolena.

Josuạ 24:30

Ar hoṛko do Gas buru utạr secʼre uniyakʼ sompottire, metakʼme Ephrayim buru ṭoṭha reakʼ Timnat-serareko topakadea.

Daniel 5:3

Unre Isorakʼ oṛakʼ khon sona reakʼ okako bhajan ạgu hoylen onako oḍok ạguketʼ khan raj do, acʼren mukhiyạko, uniren bạhuko ar chuṭki erako onare darkha rasako ńũkeda.

Ester 2:14

Ar uni do ạyupʼ jokhecʼ onḍeye senokʼa ar setakʼ do rajren chuṭki erakoren horhoyicʼ mạ̃yạ̃ṛi Sagas jimạre Haremteye ruạṛ hijukʼa. Ar Raj do kusikate ńutum ńumkate ạuriye hohowae hạbicʼ uni do raj ṭhen ar bae sen daṛeakʼa.

2 Bõsbudạ 11:21

Rehobiam do acʼren eṭakʼ bạhuko ar chuṭi erako khon Absalomren hoponera Maka do ạḍi bạ̃ṛtiye dulạṛede kan tahẽkana. Uniren do jotote gel irạl bạhuko ar turui gel chuṭki erako, bargel irạl hoponko ar turui gel hoponerako tahẽkantaea.

1 Rapajko 11:3

Uniren do eae sae erako tahẽkantaea, ar onko do raj gharońjren hoponerageko tahẽkana; ona chaḍa uniren do pe sae chuṭki era hõko tahẽkantaea. Ar uniren erako do bạṛicʼ horteko idikedea.

2 Samuel 20:3

Dạud Jerusalemre acʼakʼ oṛakʼteye ruạṛ hecʼen khan okoe gel goṭen chuṭki era oṛakʼ horhoe lạgitʼe doho oṭoletʼko onko do mitʼṭecʼ oṛakʼreye dohokatʼkoa ar oṛakʼ horhoe lạgitʼe bebostakeda. Uni do onko jom-ńũ ar kicricʼ khạnḍwạkʼkoe ematʼkoa menkhan onko ṭhen do ar bae bolo baṛalena. Ar onko do onḍe rạnḍi maejiu lekako tahẽyena ạuriko gujukʼ hạbicʼ.

2 Samuel 19:5

Unre Joab do oṛakʼ bhitrite bolokate raje metadea, “Okoe do amakʼ jiwi, amren hopon ar hoponerakoakʼ jiwi, amren bạhuko ar chuṭki erakoakʼ jiwiko rukhiyạ akatʼtako onko sanam hoṛko am dom opomanketʼkoa.

2 Samuel 16:22

Unre hoṛko do chat cetanre Absalom lạgitʼ mitʼṭecʼ tạmbuko ṭaṅgaokeda ar uni do sanam Israelkoakʼ mẽtʼãhã samaṅre acʼ apatren chuṭki erako tulucʼ giticʼ midokʼ lạgitʼ onḍeye boloyena.

2 Samuel 5:13

Dạud do Hebron bạgikate Jerusalemte senkate arhõ chuṭki erakoe dohoana ar aema gidrạko janamena.

2 Samuel 3:7

Ar Rispa ńutuman Sạulren mitʼṭen miluạ erae tahẽkantaea. Uni do Ayaren hoponerae tahẽkana. Mitʼdin Isboset do Abnere metadea, “Iń ạpuńren miluạ era tulucʼ do cedakʼem giticʼmitʼena?”

Bikʼcạrko 17:1

Ephrayim reakʼ buru ṭoṭhare Mikạ ńutuman mitʼṭen hoṛe tahẽkana.

Genesis 35:19

Ar Rahel do Ephrat, metakʼme Bethlehem calakʼ horreko topakadea.

Genesis 25:6

Uni do acʼren chuṭki erakoren hoponko hõ acʼ jiwetʼe tahenrege ḍhere danatʼkoa. Noko do Isahak sãote bae tahẽ ocowatʼkoa menkhan purub reakʼ mitʼṭecʼ disạmteye kolkatʼkoa.

Genesis 22:24

Nahorren do mitʼṭen chuṭki erae tahẽkantaea uniyakʼ ńutum do Ruma. Ar uniyakʼ kukhire do Tebah, Gaham, Tahas ar Makat, nokoko janamlena.

Bikʼcạrko 17:7

Onako oktere Jihudạ ṭoṭhare Bethlehemren mitʼṭen juạn Liwi do Jihudạ gusṭiren hoṛko sãoteye girobasokʼkan tahẽkana.

Bikʼcạrko 19:2

Uni chuṭki era do loṭghuṭi iạteye bạgi ocoyen khan acʼren apatakʼ oṛakʼ Bethlehemteye ruạṛ calaoena. Uni do onḍe pon candoe tahẽyen khan uniren jãwãetetʼ do ruạṛ ạguiye lạgitʼte senena. Ar uni sãote acʼren guti koṛa ar mitʼ joṛa gadha hõe idi toraketʼkinạ. Unre uni maejiu do acʼ apatakʼ oṛakʼteye idiketʼkinạ. Ar uniren hońhartetʼ hõ uniye ńelkede khan ạḍiye kusiyena.

Bikʼcạrko 19:16

Enhilokʼ ạyupʼ jokhecʼ Ephrayim buru ṭoṭharen mitʼṭen haṛam hoṛ do acʼakʼ khet khon kạmi baṛakate Gibeateye boloyena. Uni do ona nagraharegeye girobasokʼ kan tahẽkana, menkhan onḍenko hoṛ do Benjạmin gusṭiren hoṛko tahẽkana.

Bikʼcạrko 3:27

Onḍe Ephrayim reakʼ buru ṭoṭhare sakwae oroṅketʼ khan Israelko do uni sãote buru khon latarteko pheḍ hecʼente uniko pańja idikedea,

Bikʼcạrko 12:8

Jiptha tayom Bethlehem atoren Ibsan do Israelkoren bikʼcạricʼe hoyena.

Bikʼcạrko 18:13

Onḍe khon onko do Ephrayim reakʼ buru ṭoṭhateko rakapʼente Mikạwakʼ oṛakʼteko boloyena.

1 Rapajko 4:8

Onkoakʼ ńutum do hoyokʼkana: Ephrayim buru ṭoṭharen Ben-Hur.