Bikʼcạrko 18:9 - সান্তালী বাইবেল

⁹ Onkoko roṛ ruạṛkeda, “Oka jaegale ńel ạguketʼ ona do ạḍi mońjgea. Dela, abo do onko bon akromonkoa. Ape do cetʼ duṛupʼ hape akaepe tahena? Onḍe jaega dokhol do alope biloma.

Bikʼcạrko 18:9 Referans Kwoze

Numeri 13:30

Unre Mose samaṅre okoeko hoṛ onḍeko tahẽkan Kaleb do onko hape ocoketʼkoteye metatʼkoa, “Onḍe senkate disạm bon dokholgea. Ona do khạṭige bon daṛeakʼa.”

Josuạ 18:3

Onate Josuạ do Israelkoe metatʼkoa, “Aperen hapṛamkoren Probhu Isor okaṭakʼ disạm sompotti lekateye emakawatʼpe ona hat lạgitʼ do ar tinạkʼpe biloma?

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

1 Rapajko 22:23

Onate Probhu Isor do ńitokʼ amren noko nạbikoakʼ mocare eṛe katha roṛren jiue emakatʼkoa. Amakʼ ḍahao maraokʼ lạgitʼ Probhu Isor do am lạgitʼ bạṛicʼakʼgeye men akada.”

1 Rapajko 22:3

Israelren raj do acʼren kạmiyạkoe metatʼkoa, “Ramot Gilead je aboakʼkan ona do cetʼpe baḍaegea? Abo do Aramren raj ṭhen khon hatao ruạṛ lạgitʼ cetʼge babon ceka kana.”

2 Samuel 10:12

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ dela, dil salakʼ bon lạṛhạilenge. Ar Probhu Isor do acʼakʼ mẽtʼre oka bhageakʼkan onageye onkaema.”

1 Samuel 4:9

E Philisṭiko, dil akae tahenpe, ar herel hopon kanpe ona baṛe udug tabonpe. Ar baṅkhan Ibriko cetʼleka aperen golamko hoylen onkage ape hõ onkoren golampe hoyokʼa. Apepe herel hopon kan ona baṛe udugpe ar lạṛhạipe.”

Bikʼcạrko 18:8

Onko mõṛẽ hoṛko do tinre Sora ar Estaolteko ruạṛ hecʼena unreko kuli ocoyena, “Ape do onḍe cetʼpe ńelkeda?”

Bikʼcạrko 18:10

Arpe senlen khangepe ńela, onḍenko hoṛ do mitʼṭecʼ maraṅ jaegare khạtirjomako girobasokʼ kana. Isor do apeakʼ tire ona jaegae jimạ akawatʼpea. Ar dhạrti reakʼ okaṭakʼ reakʼ okulạn hõ onḍe do bạnukʼ anaṅ.”