Bikʼcạrko 18:8 - সান্তালী বাইবেল

⁸ Onko mõṛẽ hoṛko do tinre Sora ar Estaolteko ruạṛ hecʼena unreko kuli ocoyena, “Ape do onḍe cetʼpe ńelkeda?”

Bikʼcạrko 18:8 Referans Kwoze

Bikʼcạrko 18:11

Niạ katha ańjomkate Dan gusṭiren turui sae hoṛ do lạṛhại lạgitʼko sapṛaoente Sora ar Estaol khonko mohnḍayena.

Bikʼcạrko 18:2

Ona iạte Dan gusṭirenko do Sora ar Estaol khon akoren mõṛẽ goṭen bir banṭa hoṛ do khobor hatao lạgitʼko kolkatʼkoa jemon onko do mońj okocʼte disạmko ciyạ ạgu daṛeakʼ. Onate onko do bir banṭa hoṛko metatʼkoa, “Ape do disạm reakʼ mońjtepe ciyạ ạguitabona.” Onate onko hoṛ do Ephrayim reakʼ buru ṭoṭhate senkateko boloyena ar ńindạ do Mikạwakʼ oṛakʼreko tahẽ aṅgayena.

Bikʼcạrko 16:31

Tayomte uniyakʼ apatakʼ gharońjrenko ar uniren boehako do mạ̃ṛĩ iditae lạgitʼko hecʼena. Onko do uniyakʼ mạ̃ṛĩ idikate Sora ar Esṭaol talare acʼ apat Manohoakʼ topareko baekadea. Samson do bargel bochor hạbicʼ Israelkoakʼ bicạrketʼtakoa.

Bikʼcạrko 13:2

Onako dinre Sora atoren Manoho ńutuman Dan gusṭiren mitʼṭen hoṛe tahẽkana. Uniren oṛakʼ hoṛ do bạńjhigeye tahẽkante cele gidrạge bako tahẽkantaea.

Josuạ 15:33

Latar buru ṭoṭhako modre okako nagraha ar atokoko ńamletʼ onako do hoyokʼ kana: Estaol, Sora, Asna,

Bikʼcạrko 18:7

Onko mõṛẽ hoṛ do unre onḍe khon Layisteko senena. Onkoko ńelkeda onḍenko hoṛ do Sidonrenko leka khạtirjoma, sulukte ar bin botorko girobasokʼ kana. Ona jaegare nonkan celege bạnukʼkoa, onko cetanre santaoko calao daṛeakʼ. Ona chaḍa onko do Sidonrenko khon hõ ḍher sạṅgińreko girobasokʼ kana ar eṭakʼ jãhãeko sãote jãhãn karbarge bạnukʼtakoa.

Bikʼcạrko 18:9

Onkoko roṛ ruạṛkeda, “Oka jaegale ńel ạguketʼ ona do ạḍi mońjgea. Dela, abo do onko bon akromonkoa. Ape do cetʼ duṛupʼ hape akaepe tahena? Onḍe jaega dokhol do alope biloma.