Bikʼcạrko 18:7 - সান্তালী বাইবেল

⁷ Onko mõṛẽ hoṛ do unre onḍe khon Layisteko senena. Onkoko ńelkeda onḍenko hoṛ do Sidonrenko leka khạtirjoma, sulukte ar bin botorko girobasokʼ kana. Ona jaegare nonkan celege bạnukʼkoa, onko cetanre santaoko calao daṛeakʼ. Ona chaḍa onko do Sidonrenko khon hõ ḍher sạṅgińreko girobasokʼ kana ar eṭakʼ jãhãeko sãote jãhãn karbarge bạnukʼtakoa.

Bikʼcạrko 18:7 Referans Kwoze

Josuạ 19:47

Dan gusṭirenko do akoakʼ joto bakhra bako hat daṛeatʼ tahẽkante onko lạgitʼ jaega do huḍińge tahẽkana. Onate onko do Lesem nagrahako akromonketʼte onḍenko hoṛko bhagaoketʼkoa ar sanamko gocʼketʼkote onako hatkeda. Ar onko do Lesemre girobasokʼko ehopʼena ar onkoren hapṛamkoakʼ ńutum lekate ona jaega reakʼ ńutum do “Dan” ko dohokeda.

Johan sodor 18:7

Uni do acʼakʼ reaṅ tinạkʼ bạ̃ṛtiye sabasilen, ar tinạkʼ bạ̃ṛtiye umtạ umtilen, ṭhik unạkʼge saset ar duk emaepe, ente monreye hudiseda, iń ma rạniń hoyakan, ar rạnḍi doń baṅkana; ar oka lekatege bạń dukokʼa.

1 Patras 2:14

behok kạmikanko sạjạiko lạgitʼ ar okoe bhageko kạmikan onko sarhaoko lạgitʼ maharaj do okoe disạm cakʼlaokoe koletʼko onko tabere hõ tahenpe.

Romiko lạgitʼ Pạul Apostolakʼ ciṭhi 13:3

Okoe bhageakʼko kạmikan onko do ektiạrianko ohoko botorlekoa, menkhan okoe bạṛicʼakʼko kạmikan onkogeko botorokʼa. Ape do ektiạrianko begor botorakote senokʼpe khojkana? Enḍekhan bhageakʼko kạmipe, inạ khan onko ṭhen khon sabasipe ńama.

1 Rapajko 1:6

Uniren apattetʼ do tishõ uniyakʼ kạmire bae tạkicʼ daram akadea, se bae men akadea, “Cedakʼ nonka dom kạmikana?” Uni do Absalom leka ńelokʼte mońjgeye tahẽkana; ar Absalom bokottetʼe tahẽkana.

1 Samuel 3:13

Iń do uniń menakadea, bedhorom iạte uniren bõsko do jaejug hạbicʼ iń sạjạikoa. Eli doe baḍaekan tahẽkana, acʼren hoponkin do apnartege bohokʼre sạjạikin ạgu akawana, menkhan uni do sontorkin reakʼ bae kurumuṭuleda.

Bikʼcạrko 18:6

Naeke do onkoe roṛ ruạṛatʼkoa, “Ape do sulukte calao joṅpe; Ente Probhu Isorakʼ sana lekape senokʼ kana.”

Bikʼcạrko 18:8

Onko mõṛẽ hoṛko do tinre Sora ar Estaolteko ruạṛ hecʼena unreko kuli ocoyena, “Ape do onḍe cetʼpe ńelkeda?”

Bikʼcạrko 18:29

Nagraha reakʼ laha ńutum Layis tahẽkanre hõ onko do akoren hapṛamkoakʼ ńutum lekate ona reakʼ ńutum do Danko dohokeda. Dan do Israelren hopone tahẽkana.

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.

Jirimiạ 49:31

E Babelrenko, ape do beretʼpe, ar khạtirjomako tahenkan onko jạtrenko cetanre jhãp empe. Onko jạtrenko do phaṭok duạr hõ bạnukʼtakoa, huṛkạṛ hõ bạnukʼa; onko do ako motogeko girobasokʼ kana.