Bikʼcạrko 18:4 - সান্তালী বাইবেল

⁴ Uniye menkeda, “Mikạ do iń lạgitʼ ḍhere kạmi akada. Uni do betonteye doho akadińạ ar uniren naekeń hoyakana.”

Bikʼcạrko 18:4 Referans Kwoze

Bikʼcạrko 17:10

Mikạ do uniye metadea, “Am do enḍekhan iń sãotege tahenme ar ińren naeke hoekate baba leka hoyokʼme. Iń do bochorre mitʼsae bargel gram rupạ ar jomakʼ ar kicricʼkoń emama.” Niạ katha ańjomkate uni Liwi do bhitriteye boloyena ar uni ṭhen tahen lạgitʼe rạjiyena. Mikạ do acʼren hopon leka uni liwi koṛae dohokedea.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

Aposkạmi 20:33

Jãhãekoakʼ sona, rupạ se kicricʼ khạnḍwạkʼ cetanre iń do bạń laloc akana.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.

Jesaea 56:11

Onko do lebṛa seta lekanako, onko do bikʼ bako baḍaea. Onko do bebuj gukʼpiko lekanako; jotokoge apan ạpin horteko ruạṛ calao akana ar apnarakʼ lab reakʼko kurumuṭu kana.

Kạhtukko 28:21

Bicạrre mẽtʼãhã beṅgetʼakʼ do baṅ bhagea; okoeye onkae uni do mitʼkuṭrạ piṭhạ lạgitʼ hõe onka daṛeakʼa.

Bikʼcạrko 17:12

Uni Liwi hoṛ do acʼakʼ kạmireye bahal ocoyen khan naeke lekate uniyakʼ oṛakʼreye tahẽyena.

Bikʼcạrko 18:3

Unre onko do uni Liwi koṛawakʼ aṛaṅko oromketʼtaea. Ar bhitrite bolokateko kulikedea, “Nonḍe do okoeye ạgu akatʼmea? Ar am do nonḍe cetʼem ceka kana ar cedakʼ baṅem hecʼakan?”

Bikʼcạrko 18:5

Onko do uniko metadea, “Dayakate am do Isor ṭhen khon baḍaeme aleakʼ dãṛãn do jo bahakʼtalea se baṅa.”