Bikʼcạrko 18:15 - সান্তালী বাইবেল

¹⁵ Niạ katha ańjomkate onko do Mikạwakʼ oṛakʼren uni Liwi koṛawakʼ oṛakʼteko boloyena ar boge bạṛicʼ reakʼ khoborko hataokeda.

Bikʼcạrko 18:15 Referans Kwoze

Genesis 43:27

Ar uni do boge judại kuliketʼkoa, “Aperen baba uni haṛam hoṛ do cetʼ bogege menaea? Uni do cetʼ ńitʼhõe jiwetʼgea?”

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

2 Rapajko 4:26

Am do ńir senkate kuliyem, uni, uniren jãwãe ar uniren gidrạ onko do bogege menakʼkoa se baṅa.” Maejiue menkeda, “Hẽ jotogele bogegea.”

1 Samuel 17:22

Unre Dạud do acʼakʼ jinisko horhoicʼ ṭhen doho oṭokate lạṛhại phạdko talareye ńir boloyente dadatetʼtako boge judại kuli baṛeketʼkoa.

Genesis 37:14

Israel do arhõe menkeda, “Amren dadamtako ar bhiḍi-meromko cetʼleka menakʼkoa senkate ona reakʼ khoborem ạguạńạ.” Ar noa menkate Joseph do Hebron reakʼ buru lodam khone kolkadea. Joseph do tinre Sikemteye seṭerena unre mitʼṭen hoṛ do bilạn ṭạnḍire ạcur baṛaekan ńelkedeteye kulikedea, “Cetʼem sendra baṛakana?”

Bikʼcạrko 18:14

Ar okoeko hoṛ do Layisre senkate khoj khoborko ạguletʼ tahẽkan onko do akoren hoṛko metatʼkoa, “Apepe baḍaegea, niạ oṛakʼre do mitʼṭecʼ ehpod, debotakoakʼ muṭhạn rokʼ bekʼnao muṭhạnko ar dulakʼ muṭhạnko menakʼa? Onate ńitokʼ cetʼpe cekaea ma hudispe.”

Bikʼcạrko 18:16

Ar Dan gusṭiren onko turui sae hoṛ do lạṛhại lạgitʼ oṛakʼte bolokʼ horre senkateko teṅgoyena.

1 Samuel 17:18

ar niạ gel goṭecʼ ceṛa chale do hajar cetankoren subedarko lạgitʼ idime. Ar amren dadamteko cetʼleka menakʼkoa ona ńel ạguiyme ar onko ṭhen khon jãhãnakʼ cinhạ ạgu daraeme.