Bikʼcạrko 18:14 - সান্তালী বাইবেল

¹⁴ Ar okoeko hoṛ do Layisre senkate khoj khoborko ạguletʼ tahẽkan onko do akoren hoṛko metatʼkoa, “Apepe baḍaegea, niạ oṛakʼre do mitʼṭecʼ ehpod, debotakoakʼ muṭhạn rokʼ bekʼnao muṭhạnko ar dulakʼ muṭhạnko menakʼa? Onate ńitokʼ cetʼpe cekaea ma hudispe.”

Bikʼcạrko 18:14 Referans Kwoze

Bikʼcạrko 17:5

Mikạwakʼ do mitʼṭecʼ mundil tahẽkana. Uni do mitʼṭecʼ ehpod ar debota muṭhạnko benaokate acʼren mitʼṭen hopon do naeke hudạreye dohokedea.

Kạhtukko 19:27

E bạbu, ińakʼ ḍanṭao bam moneyakʼ khan enḍekhan am do ạkil reakʼ cecetʼakʼ khon eṭakʼ secʼem ghańjeṛokʼa.

1 Samuel 14:28

Unre mitʼṭen lạṛhại phạd do uniye metadea, “Amren ạpum do lạṛhại phạdko kajak mitʼṭecʼe kiriạ ocoakatʼkoa, ‘jãhãege teheń jãhãnakʼe jom enḍekhan uni cetanre sarap paṛaokʼa.’ Onate hoṛko do nunạkʼko nijor akana.”

Bikʼcạrko 8:27

Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.

Bikʼcạrko 18:13

Onḍe khon onko do Ephrayim reakʼ buru ṭoṭhateko rakapʼente Mikạwakʼ oṛakʼteko boloyena.

Bikʼcạrko 18:15

Niạ katha ańjomkate onko do Mikạwakʼ oṛakʼren uni Liwi koṛawakʼ oṛakʼteko boloyena ar boge bạṛicʼ reakʼ khoborko hataokeda.

1 Samuel 19:13

Unre Mikal do gharońjren boṅga muṭhạnko hataokate aṭetʼreye dohoketʼkoa ar aṭetʼ reakʼ bohokʼ secʼ do merom upʼ reakʼ mitʼṭecʼ bạlise dohokeda; ar ona tayom do kicricʼte onakoe poṭomkeda.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.