Bikʼcạrko 18:10 - সান্তালী বাইবেল

¹⁰ Arpe senlen khangepe ńela, onḍenko hoṛ do mitʼṭecʼ maraṅ jaegare khạtirjomako girobasokʼ kana. Isor do apeakʼ tire ona jaegae jimạ akawatʼpea. Ar dhạrti reakʼ okaṭakʼ reakʼ okulạn hõ onḍe do bạnukʼ anaṅ.”

Bikʼcạrko 18:10 Referans Kwoze

Bikʼcạrko 18:27

Onko do Mikạren naeke ar sanam boṅga muṭhạnko soṅgekate Layisteko calaoena. Ar onḍe okoe do suluk ar khạtirjomako tahẽkan onko sanamko gocʼketʼkoa ar onkoakʼ nagrahako jeretʼ giḍikatʼtakoa.

Bikʼcạrko 18:7

Onko mõṛẽ hoṛ do unre onḍe khon Layisteko senena. Onkoko ńelkeda onḍenko hoṛ do Sidonrenko leka khạtirjoma, sulukte ar bin botorko girobasokʼ kana. Ona jaegare nonkan celege bạnukʼkoa, onko cetanre santaoko calao daṛeakʼ. Ona chaḍa onko do Sidonrenko khon hõ ḍher sạṅgińreko girobasokʼ kana ar eṭakʼ jãhãeko sãote jãhãn karbarge bạnukʼtakoa.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

Jeheskel 20:6

Enhilokʼ onko ṭhen arhoń kiriạlena, Misor disạm khon onkoń oḍok ạgukoa ar onko lạgitʼ okaṭakʼ disạmiń ṭhik dohoakatʼ ona disạmteń idikoa. Onḍe do toa ar dumur rasa ar jãhãnakʼ reakʼ okulạnge bạnukʼa; ona do sanam disạmko khon sorosgea.

Josuạ 6:16

Ar eae dhao ạcurokʼ jokhecʼ tinre naekeko do sakwa mitʼ dhaoteko oroṅkeda unre Josuạ do hoṛkoe hukumatʼkoa, “Ãṭ aṛaṅte hohoepe, ente Probhu Isor do nagrahae jimạ akatʼbona.

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Bikʼcạrko 18:9

Onkoko roṛ ruạṛkeda, “Oka jaegale ńel ạguketʼ ona do ạḍi mońjgea. Dela, abo do onko bon akromonkoa. Ape do cetʼ duṛupʼ hape akaepe tahena? Onḍe jaega dokhol do alope biloma.

Bikʼcạrko 18:11

Niạ katha ańjomkate Dan gusṭiren turui sae hoṛ do lạṛhại lạgitʼko sapṛaoente Sora ar Estaol khonko mohnḍayena.

Josuạ 2:23

Ona tayom unkin Israel hoṛ hõ kin ruạṛena. Unkin do buru khon pheḍkate gaḍakin paromena ar Nunren hopon Josuạ ṭhen senkate okako hoylen ona jotowakʼ kin baḍae ocokedea.

Josuạ 2:24

Unkin do Josuạkin metadea, “Noa katha do sạri kana je, Probhu Isor do goṭa disạmge aboakʼ tireye jimạ akada. Abo botorte onḍenko hoṛ do jiwi oṭaṅ akantakoa.”