Bikʼcạrko 17:5 - সান্তালী বাইবেল

⁵ Mikạwakʼ do mitʼṭecʼ mundil tahẽkana. Uni do mitʼṭecʼ ehpod ar debota muṭhạnko benaokate acʼren mitʼṭen hopon do naeke hudạreye dohokedea.

Bikʼcạrko 17:5 Referans Kwoze

Bikʼcạrko 18:14

Ar okoeko hoṛ do Layisre senkate khoj khoborko ạguletʼ tahẽkan onko do akoren hoṛko metatʼkoa, “Apepe baḍaegea, niạ oṛakʼre do mitʼṭecʼ ehpod, debotakoakʼ muṭhạn rokʼ bekʼnao muṭhạnko ar dulakʼ muṭhạnko menakʼa? Onate ńitokʼ cetʼpe cekaea ma hudispe.”

Bikʼcạrko 8:27

Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.

Genesis 31:19

Unre Laban do acʼren bhiḍikoakʼ upʼ kạpciy tako lạgitʼe calao akan tahẽkanre Rahel do acʼ apatakʼ gharońjren murhutʼkoe kombṛoketʼkoa.

Bikʼcạrko 18:24

Mikại roṛ ruạṛatʼkoa, “Ape do aleren boṅgako ar aleren naeke hõpe idi torayedekana. Inạ tayom aleakʼ do ar cetʼ tahẽyena? Ar cekatepe meneda, cetʼ hoyakantama?”

Genesis 31:30

Bhagegea, aben ạpumakʼ oṛakʼ calakʼ iạte jiwi lokʼkan tabena ar onateben oḍok hecʼakana, menkhan ạliń gharońjren murhutʼko do cedakʼ ben kombṛo ạguakatʼkoa?”

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

Exodus 28:15

“Ińakʼ hukum baḍae lạgitʼ koṛam aḍokʼakʼem benao ocoya. Noa do mitʼṭen gạkhuṛ kạrigolakʼ ti reakʼ kạmige baṛe hoyokʼma. Ephod leka noa hõ sonate, nil, beguni ar jeṅgetʼ arakʼ sutạm ar uńakʼ mĩhĩ musnạ sutạmtem benao ocoya.

Ibriko 5:4

Maraṅ naeke hoyokʼ reakʼ man do okoe hõ apnarte bae hatao daṛeakʼa, menkhan Isor okoeye hohowae unige ona reakʼ man doe ńama, cetʼleka Isor do Aron maraṅ naeke hoyokʼ lạgitʼe hohowade tahẽkan.

Hosea 8:14

Israelren hoṛ do akoren sisirjạuicʼ hiṛińkate maraṅ maraṅ oṛakʼko benaojoṅ kana; Ar Jihudạren hoṛko hõ pạcrite nagrahako esetʼ ạcurakada. Menkhan Iń do onkoakʼ nagrahako cetanre seṅgeliń kola ar ona do onkoakʼ sanam gaṛkoe jarkhartakoa.”

Esra 1:7

Ona chaḍa Nebukadnesar do Probhu Isorakʼ oṛakʼ reakʼ okako jinis Jerusalem khon idikate acʼren debotawakʼ mundilreye doholetʼ, Kores raj do khajańci sordar Mithredath hotete onakoe oḍok ạgukeda. Ar Mithredath do Jihudạren disạm cakʼlaoyicʼ Sesbasar onakoe lekhawadea.

1 Rapajko 12:31

Jerobiam do usul boṭkocʼkore mundile benaokeda ar nonkan hoṛko tala khon naekeye bahalketʼkoa one okoe do Liwi bõsrenko baṅkan.

1 Samuel 23:6

Ahimelekren hopon Abiathar do Dạud ṭhen Kayilateye dạṛketʼ oktere soṅgete maraṅ naekewakʼ ehpod hõe idi daraleda.

Exodus 28:4

Uniyakʼ noa kicricʼre jemon koṛam aḍokʼakʼ, ephod, oyon aṅgrop, onol bonol kicricʼ kuṭrạ, dạhṛi ar ḍanḍare paṭheteakʼ tahen. Ar amren dadam Aron ar uniren hoponko hõ jemon naeke lekate ińko sewawạń onate onko lạgitʼ sonot kicricʼkom benao ocoya.

Exodus 24:5

Ona tayom uni do mitʼbar Israel juạnkoe kolketʼkoa ar onko do Probhu Isor ńutumte jeredokʼ samaṅokʼ reakʼko porobena ar sulukren samaṅokʼakʼ lekate aema ḍaṅgrako dãṛẽketʼkoa.

Numeri 3:10

Naeke lekate kạmi lạgitʼ am do Aron ar uniren hoponkom ojokʼ bahalkoa. Onko chaḍa ar jãhãege naeke reakʼe kạmi uni doe gocʼ ocokʼa.”

Bikʼcạrko 17:4

Mikạ do ona rupạ eṅgattetʼe ruạṛade khan uniren eṅgattetʼ do bar keji tala rupạ hataokate sonhare emadea. Ar uni do mitʼṭen goṛhon muṭhạn ar chãńcre dulicʼ ar mitʼṭen muṭhạne benao ocokeda, ar unkin banar muṭhạnge Mikạwakʼ oṛakʼreye dohokatʼkinạ.

Bikʼcạrko 18:30

Dan gusṭiren hoṛko do ako lạgitʼ onḍe mitʼṭecʼ goṛhon muṭhạnko benaokedea. Ar disạmren hoṛko bondi dosare ạuriko calakʼ hạbicʼ Dan gusṭiren hoṛko lạgitʼ do Jonathan ar uniren bõskoge naeke kạmiko kạmikan tahẽkana. Jonathan do Gersem bõsren ar Gersem do Moseren hopone tahẽkana.

Jesaea 44:13

Chutạr mistri do sutạme ticʼeda ar pensilteye ãk ạcureda; ar hoṛ muṭhạn leka onae muṭhạneda. Onate uni do mitʼṭecʼ mońj manwa rupe hoeocoyeda jemon ona do oṛakʼre dohokʼ.

Jeheskel 21:21

ente Babelren raj do onakin barea hor reakʼ etohopʼ ṭhen dobạṭiạreye teṅgo akana bhao ocoy lạgitʼ. Uni do sare aṛaga, ar acʼren debotako ṭhene kulijoṅkana ar jãhãn janwarkoakʼ inboroteye biḍạu aṭkara.

1 Samuel 19:13

Unre Mikal do gharońjren boṅga muṭhạnko hataokate aṭetʼreye dohoketʼkoa ar aṭetʼ reakʼ bohokʼ secʼ do merom upʼ reakʼ mitʼṭecʼ bạlise dohokeda; ar ona tayom do kicricʼte onakoe poṭomkeda.

1 Rapajko 12:32

Jihudạ ṭoṭha talare oka porob hoyokʼkan tahẽkan ona porob leka irạlakʼ cando reakʼ gel mõṛẽakʼ din hilokʼre uni do Bethelre hõ mitʼṭecʼ porob reakʼe bebostakeda ar acʼe benao akade mĩhũ ńutumte pinḍ cetanre janware samaṅkedea. Uni do Bethel reakʼ usul than boṭkocʼkore hõ acʼ benaoakʼ mundilre naekekoe bahalketʼkoa.

Jeheskel 21:26

Iń Probhu Isorgeń meneda, amakʼ dạhṛi raṛaetam, ar mukuṭ do bojtam. Ente cetʼleka tahẽkan onka do ar baṅ hoyokʼa. Usulakʼ do copodokʼa ar copodakʼ do usul ocokʼa.