Bikʼcạrko 17:3 - সান্তালী বাইবেল

³ Ar uni do ona gelpe keji barsae gram rupạ do acʼren eṅgattetʼe ruạṛadea. Unre eṅgattetʼ doe menkeda, “Niạ rupạ do Probhu Isor ńutumteń samaṅetʼkana ar ińren hopon do onate rokʼ benao akade mitʼṭen boṅga muṭhạn ar chãńcre dul benaoakade ar mitʼṭen boṅga muṭhạne benao joṅ. Ar iń do onatege noa rupạ amgeń ruạṛama.”

Bikʼcạrko 17:3 Referans Kwoze

Exodus 20:4

“Sekʼwae lạgitʼ jãhãn muṭhạnko alom benao joṅa, baṅ do coṭ sermarenko reakʼ baṅ do otrenko reakʼ baṅ do ot latar dakʼrenko reakʼ.

Levitikus 19:4

Boṅga sekʼwa do baṅ ganokʼtapea se apnarakʼ dewa sewae lạgitʼ tite jãhãn debota do alope benao joṅa. Iń kangeạń aperen Probhu Isor do.

Exodus 20:23

Onate jãhãnakʼ benaokate sewawakʼ lạgitʼ iń sãote alope teṅgoea. Sona se rupạte ape lạgitʼ jãhãn Isorko alope benaojoṅa.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Jirimiạ 10:8

Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Bikʼcạrko 18:5

Onko do uniko metadea, “Dayakate am do Isor ṭhen khon baḍaeme aleakʼ dãṛãn do jo bahakʼtalea se baṅa.”

Bikʼcạrko 17:13

Mikại menkeda, “Mitʼṭen Liwi tinre ińren naekeye hoyakana unre ińiń baḍaea, Probhu Isor do ińakʼe bhạlạiytińạ.”

Dosar Biboron 12:3

Onkoakʼ than boṭkocʼko, onkoakʼ sewawakʼ dhiriko, murhutʼ khunṭiko ar debotawakʼ muṭhạnkope rạputʼ giḍikakʼa ar nonkate onako jaega khon onkoren debotakoakʼ ńutumpe meṭao utạra.

Exodus 34:17

“Ape do dul boṅgako alope benao joṅa.

Bikʼcạrko 17:2

Uni do eṅgattetʼe metadea, “Amakʼ oka gelpe keji bar sae gram rupạ kombṛolentam ar okaṭakʼ lạgitʼ sarap emokʼ iń ańjomletʼme ona do iń ṭhenge menakʼa, ona do ińgeń hataoleda.” Unre uniren eṅgattetʼ doe menkeda, “E beṭa, Probhu Isore bhoramma!”

Bikʼcạrko 17:4

Mikạ do ona rupạ eṅgattetʼe ruạṛade khan uniren eṅgattetʼ do bar keji tala rupạ hataokate sonhare emadea. Ar uni do mitʼṭen goṛhon muṭhạn ar chãńcre dulicʼ ar mitʼṭen muṭhạne benao ocokeda, ar unkin banar muṭhạnge Mikạwakʼ oṛakʼreye dohokatʼkinạ.

Bikʼcạrko 18:30

Dan gusṭiren hoṛko do ako lạgitʼ onḍe mitʼṭecʼ goṛhon muṭhạnko benaokedea. Ar disạmren hoṛko bondi dosare ạuriko calakʼ hạbicʼ Dan gusṭiren hoṛko lạgitʼ do Jonathan ar uniren bõskoge naeke kạmiko kạmikan tahẽkana. Jonathan do Gersem bõsren ar Gersem do Moseren hopone tahẽkana.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Dosar Biboron 27:15

‘Onko hoṛ doko sarapangea, okoe do chãńchre dulakʼ muṭhạnko, kaṭren se dhiriren murhutʼko rokʼ benaoetʼko ar sewawako lạgitʼ danaṅ ṭhạ̃ireko dohoyetʼko. Noko sanam murhutʼko do Probhu Isor ṭhen hirkhạwan jinis kanako, ar eken kạrigolakʼ titegeko benao akana.’ Unre sanamkoko mena, ‘Amen.’

2 Bõsbudạ 33:7

Uni do okoe murtikoe lakʼ rokʼ ocoketʼko onko do Isorakʼ oṛakʼreye dohokatʼkoa. Niạ oṛakʼ reaṅge Probhu Isor do Dạud ar uniren hopon Solomone metatʼkin tahẽkana, “Niạ oṛakʼ ar Israelren sanam gusṭiko tala khoniń bachao akawan niạ Jerusalemge iń lạgitʼ jaejug tahen oṛakʼ iń benaoa.