Bikʼcạrko 17:2 - সান্তালী বাইবেল

² Uni do eṅgattetʼe metadea, “Amakʼ oka gelpe keji bar sae gram rupạ kombṛolentam ar okaṭakʼ lạgitʼ sarap emokʼ iń ańjomletʼme ona do iń ṭhenge menakʼa, ona do ińgeń hataoleda.” Unre uniren eṅgattetʼ doe menkeda, “E beṭa, Probhu Isore bhoramma!”

Bikʼcạrko 17:2 Referans Kwoze

Nehemiạ 13:25

Iń do onkoń ruhetʼketʼkoa ar onko cetanre jemon sarap hecʼako ona hõń metatʼkoa. Onkoren adomko doń dalketʼkoa ar bohokʼ upʼkoń racakʼ tutʼketʼtakoa. Isor ńutumte noań kiriạ ocoketʼkoa jemon porjạtren koṛako sãote akoren hoponerako aloko baplako ar akoren hoponko hõ jemon porjạtren kuṛiko tulucʼ aloko baplako.

Rut reakʼ kạhini 3:10

Boase roṛ ruạṛkeda, “Probhu Isor do ame bhoram ma. Ńit hạbicʼ okaṭakʼ pạtiạrem udukʼ akatʼ ona khon hõ niạ dhao do ḍher pạtiạrem udukʼ akada, ente kisạ̃ṛ se reṅgecʼ jãhãe koṛa hoṛko ṭhen do bam calao akana.

2 Johan 1:11

Okoe uniye joharae uni do uniyakʼ bạṛicʼ kạmi reakʼ hõ bhạgiyạdare hoyokʼa.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.

Mathae 26:74

Unre Patras doe sarapana ar kiriạyente memene ehopʼena, “Uni hoṛ do baḍae hõ bạń baḍae akadea.” Ar unrege saṭmente sim sạnḍiye rakʼgotʼkeda.

Jirimiạ 48:10

Probhu Isore meneda, “Ińakʼ kạmire okoe hoṛe asketokʼ unire do sarap paṛaokʼma. Okoe acʼakʼ tarwaṛere mãyãm bae joro ocoy uni cetanre hõ sarap paṛaokʼma.

Kạhtukko 28:24

Jãhãege eṅgat apatakʼ jinis kombṛokateye men, “Noa do behokakʼ baṅ kana,” uni do jarkharren gate kanae.

Sereńko 10:3

Bedhorom hoṛ do acʼakʼ ontor reakʼ bạṛicʼ monsubạteye gorbokʼ kana; ar lalocicʼ do Probhu Isore sarapae kana ar uniye neṅghao edekana.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

1 Samuel 23:21

Sạule roṛ ruạṛatʼkoa, “Probhu Isor do apeye bhorapema, ente iń lạgitʼ ape do mãyã menakʼtapea.

1 Samuel 15:13

Unre Sạmuel do Sạul ṭhene senena. Khan Sạul do uniye metadea, “Probhu Isore bhoram ma. Iń do Probhu Isorakʼ hukumiń batao akada.”

1 Samuel 14:28

Unre mitʼṭen lạṛhại phạd do uniye metadea, “Amren ạpum do lạṛhại phạdko kajak mitʼṭecʼe kiriạ ocoakatʼkoa, ‘jãhãege teheń jãhãnakʼe jom enḍekhan uni cetanre sarap paṛaokʼa.’ Onate hoṛko do nunạkʼko nijor akana.”

1 Samuel 14:24

Enhilokʼ Israelko do ạḍi kosṭote dinko paromkeda, ente Sạul do mitʼṭecʼe kiriạ ocoletʼkoa, ạuri ạyubokʼ hạbicʼ ar bạiriko cetanre ạuriye halae hạbicʼ jãhãege jãhãnakʼko jom enḍekhan onko cetanre sarap baṛe paṛaokʼ ma. Onate enhilokʼ hoṛko do okoehõ cetʼge bako jomleda.

Bikʼcạrko 5:23

Probhu Isorren goḍete menkeda, “Meros baṛe sarapaeme, ạḍitetʼ sarapaeme onḍenko hoṛ do; lạṛhạire Probhu Isor tulucʼ bako seletʼlena, ar daṛeanko upạrte hõ baṅa.”

Dosar Biboron 27:16

‘Sarapangeae uni hoṛ do, okoe do eṅgat ar apate bemanotetʼkin.’ Unre sanam hoṛko mena, ‘Amen.’

Exodus 20:7

“Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Genesis 14:19

Uni do Abram bhoradeteye metadea, “Serma ar ot okoeye sirjạu akatʼ uni maraṅ Isor do Abrame bhoraema.

Bikʼcạrko 17:1

Ephrayim reakʼ buru ṭoṭhare Mikạ ńutuman mitʼṭen hoṛe tahẽkana.

Bikʼcạrko 17:3

Ar uni do ona gelpe keji barsae gram rupạ do acʼren eṅgattetʼe ruạṛadea. Unre eṅgattetʼ doe menkeda, “Niạ rupạ do Probhu Isor ńutumteń samaṅetʼkana ar ińren hopon do onate rokʼ benao akade mitʼṭen boṅga muṭhạn ar chãńcre dul benaoakade ar mitʼṭen boṅga muṭhạne benao joṅ. Ar iń do onatege noa rupạ amgeń ruạṛama.”