Bikʼcạrko 17:10 - সান্তালী বাইবেল

^10-11 Mikạ do uniye metadea, “Am do enḍekhan iń sãotege tahenme ar ińren naeke hoekate baba leka hoyokʼme. Iń do bochorre mitʼsae bargel gram rupạ ar jomakʼ ar kicricʼkoń emama.” Niạ katha ańjomkate uni Liwi do bhitriteye boloyena ar uni ṭhen tahen lạgitʼe rạjiyena. Mikạ do acʼren hopon leka uni liwi koṛae dohokedea.

Bikʼcạrko 17:10 Referans Kwoze

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

Johan 12:6

Jihudạ do reṅgecʼko lạgitʼ dạndikate noa kathae menleda ona do baṅ. Uni do kombṛoe tahẽkana. Ar uni jimạre ṭaka reakʼ baksa tahẽkante dohoakʼko khone kombṛoyetʼkan tahẽkana.

Mathae 26:15

“Apeakʼ tire Jisuń soprot lekhan cetʼpe emạńa?” Unre maraṅ naekeko do pegel rupạ ṭaka lekhawadeteko emadea.

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.

Jesaea 22:21

Ar amakʼ kicricʼ iń horokʼaea ar uniyakʼ ḍanḍare amakʼ ḍanḍa totlakʼ iń tolaea ar amakʼ kạmi reakʼ bhar do unireń jimạkakʼa. Uni do Jerusalem ar Jihudạreko girobasokʼ kan bõskoren go baba lekae hoyokʼa.

Jobakʼ 29:16

Reṅgecʼ orecʼko lạgitʼ do eṅga-apageń tahẽkana, ar ạnạṛi hoṛkoakʼ mamblako hõń ńel todarotetʼ tahẽkana.

2 Rapajko 13:14

Inạ lahare Elisae doe ruạ kạhil akan tahẽkana ar ona kạhilrege uni doe gocʼena. Uni gujukʼ lahare Israelren raj Jehoas do uni ńeńele senlena ar rakʼ rakʼteye menleda, “E ińren ạpuń, E ińren ạpuń, rãt gạḍiko ar aswariko leka am do Israelren rurukhiyạyicʼ kanam.”

2 Rapajko 6:21

Israelren raj do onko ńelte Elisaeye metadea, “E baba, onko do cetʼ iń gocʼkoa?”

1 Samuel 2:36

Ar am bõsren okoeko jiwetʼko tahen onko do mitʼṭecʼ rupạ ar mitʼṭecʼ piṭhạ lạgitʼ uni ṭhen hecʼkate otre ombakʼkateko sewawaea ar mitʼṭen naeke hudạ ńam lạgitʼko nehõrokʼa jemon thoṛa jomakʼe ńam.’ ”

Genesis 45:8

Ape do bape kolakadińạ, menkhan Isorgeye kol akadińạ. Uni do pharaoren apatakʼ ṭhạ̃ireye dohoakadińạ ar acʼakʼ gharońj cetanre mạlike dohoakadińạ. Ona chaḍa uni do goṭa Misor disạm cetanre cakʼlaoicʼ menteye dohoakadińạ.

Bikʼcạrko 17:9

Mikạ do uniye kulikedea, “Am do oka khonem hecʼakana?” Uniye menkeda, “Iń do Jihudạ ṭoṭha reakʼ Bethlehem nagraren mitʼṭen Liwi hoṛ kạnạń. Ar jãhãrege tahen reakʼ jaegań ńam onḍegeń tahena.”

Bikʼcạrko 18:4

Uniye menkeda, “Mikạ do iń lạgitʼ ḍhere kạmi akada. Uni do betonteye doho akadińạ ar uniren naekeń hoyakana.”

2 Rapajko 2:12

Elisae do ona ńelte ãṭ aṛaṅteye menkeda, “E ińren ạpuń, E ińren ạpuń, ńelme, Israelakʼ rãt gạḍi ar aswariko.” Inạ tayom Elisae do ar bae ńel ńamledea. Unre uni do acʼakʼ kicricʼe or cirạketʼtaea.