Bikʼcạrko 16:9 - সান্তালী বাইবেল

⁹ Unre thoṛagan hoṛ do uniyakʼ oṛakʼ bhitriregeko tãṛãkʼ akan tahẽkana. Dolila do Samson hohowadeteye metadea, “E Samson, Philisṭiko do am sapʼme lạgitʼko hecʼakana.” Onate uni do busupʼ baber leka onako phaṭ phuṭe topakʼkeda. Nonkate uniyakʼ daṛe cetʼre menakʼtae ona do danaṅrege tahẽyena.

Bikʼcạrko 16:9 Referans Kwoze

Sereńko 58:9

Apeakʼ ṭukucʼre seṅgel reakʼ ãc ạuri paṛaokʼrege uni do rohoṛ ar jạnum sahanko birbão hoeteye oṭaṅ idiya.

Bikʼcạrko 16:7

Samsone roṛ ruạṛkeda, “Akʼ reakʼ eae goṭecʼ berel tãtte jãhãegeye tolliń khan iń do eṭakʼ jãhãe hoṛ leka daṛe hoyokʼtińạ.”

Bikʼcạrko 16:8

Philisṭiren disạm cakʼlaoicʼ do unre onkanakʼ eae goṭecʼ nãwã tãt Dolilae emadea. Ar onate uni do Samsone tolkedea.

Bikʼcạrko 16:10

Unre Dolila do Samsone metadea, “Am do bokam benaokedińa, ar iń ṭhen eṛem roṛakada. Niạ dhao do ṭhikte lạiyạńme cetʼte am do tol daṛekokʼa?”

Bikʼcạrko 15:14

Uni do tinre Lehi ṭhene seṭerena unre Philisṭiko do hohowate uni secʼ hijukʼko ehopʼena. Unre Probhu Isorren goḍet do purạ daṛete uni cetanreye hecʼena. Onate uniyakʼ ti reakʼ baberko do lo busupʼ leka hoyena ar uniyakʼ ti do raṛayentaea.