Bikʼcạrko 16:30 - সান্তালী বাইবেল

³⁰ Ona tayom uni do ãṭ aṛaṅteye menkeda, “Philisṭiko sãote iń hõń gujukʼma!” Niạ menkate uni do kajakteye ḍhekakeda. Onate disạm cakʼlaoko ar bhitriren hoṛko cetanre mundil do rạputʼ ńurena. Nonkate uni do jiwetʼ tahenre tinạkʼ hoṛe gocʼletʼko ona khon ḍher hoṛ acʼakʼ gujukʼreye gocʼketʼkoa.

Bikʼcạrko 16:30 Referans Kwoze

Philipiko lạgitʼ Pạul apostolakʼ ciṭhi 2:8

Ona chaḍa manwa rup hataokate gujukʼ hạbicʼ, metakʼme kurusre gujukʼ hạbicʼe bataoketʼte uni do nindhạngeye tahẽyena.

Mathae 16:25

Jãhãege acʼakʼ jiwi bańcaotae reakʼe monejoṅ, uni doe khuạutaea; menkhan jãhãege iń lạgitʼ acʼakʼ jiwiye khuạutae uni do onae ńama.

Kolossiko lạgitʼ Pạul Apostolakʼ ciṭhi 2:15

Uni do sanam bạṛicʼ rajosṭiko ar ektiạriankoakʼ daṛeye cabaketʼtakoa. Nonkate uni do Mạsiyakʼ kurus hotete onko cetanreye jitạuena ar jotoko samaṅre onkoe bemanot ocoketʼkoa.

Philipiko lạgitʼ Pạul apostolakʼ ciṭhi 2:30

Mạsiyakʼ kạmi lạgitʼ uni do gujukʼ dạkhile hoylena. Ar hạjir bape tahẽkante iń lạgitʼ oka bape ceka daṛeakatʼ tahẽkan ona lạgitʼ uni do acʼakʼ jiwi sudhạ emokʼ hõ rạjigeye tahẽkana.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Sosolhayic̕ 9:12

Okoe hõ bae baḍaea tinreye gujukʼa mente. Cetʼleka hako do jhạlireko aṭkaokʼ ar cẽṛẽ do jhampare onkage muhin do manwa cetanre ackage hijukʼa ar muhinreye paṛaoakʼ.

Sereńko 62:3

Mitʼṭen manwa cetanre ar tinạkʼ din noako santao dope calaoa; jemon laḍe akan bhit ar liḍạlaḍeakʼ eṭetʼakʼ leka jotokote unipe khũn daṛeae?

Jobakʼ 31:3

Bedhoromko lạgitʼ jarkharakʼ do cetʼ baṅkana? Ar bạṛicʼakʼko kạmikan hoṛko lạgitʼ muhin do cetʼ baṅkana?

Jobakʼ 20:5

dusṭạmikoakʼ hulạs joṅ do thoṛa ghạṛi lạgitʼ kana. Ar bedhoromkoakʼ rạskạ do eken mitʼ ripitʼ lạgitʼ kana;

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Bikʼcạrko 15:15

Unre uni do gadhawakʼ berel jambeye hataokeda ar onate mitʼ hajar hoṛe gocʼketʼkoa.

Bikʼcạrko 15:8

Niạ menkate ạḍi bạṛicʼe hạnketʼkoa ar ḍher hoṛgeye gocʼketʼkoa. Ona tayom uni do senkate Etam reakʼ huṭupʼ dhiri ciritʼreye tahẽyena.

Bikʼcạrko 14:19

Inạ tayom Probhu Isorren jiu do purạ daṛete Samson cetanreye hecʼena. Ar uni do Askilonte senkate onḍenko pe gel hoṛe gocʼketʼkoa ar onkoakʼ jotowakʼe luṭketʼtakoa ar onkoakʼ kicricʼ ạgukate okoe acʼakʼ kudum reakʼ manetetʼko lạiletʼ onkoe ematʼkoa. Ona tayom uni do edrete acʼren apatakʼ oṛakʼteye calaoena.

Bikʼcạrko 16:29

Ar tala reakʼ okakin khunṭi cetanre mundil teṅgo akan tahẽkan Samson do ona banare sapʼkeda. Uni do acʼakʼ jojom tite mitʼṭecʼ ar leṅga tite armitʼṭecʼ khunṭi hạṛupʼketʼteye japakʼena.

Bikʼcạrko 16:31

Tayomte uniyakʼ apatakʼ gharońjrenko ar uniren boehako do mạ̃ṛĩ iditae lạgitʼko hecʼena. Onko do uniyakʼ mạ̃ṛĩ idikate Sora ar Esṭaol talare acʼ apat Manohoakʼ topareko baekadea. Samson do bargel bochor hạbicʼ Israelkoakʼ bicạrketʼtakoa.