Bikʼcạrko 16:25 - সান্তালী বাইবেল

²⁵ Ona tayom onko do rạskạkʼko ehopʼena ar ãṭ aṛaṅteko menkeda, “Samson doe oḍok ocokʼma; ale do uniyakʼ kheloḍle ńeltaea.” Onate onko do hajot khana khon Samsonko oḍok ạgukedea ar Samson do kheloḍ udukʼakoe ehopʼena. Onko do barea khunṭi talare Samsonko teṅgokedea.

Bikʼcạrko 16:25 Referans Kwoze

2 Samuel 13:28

Absalom do acʼren hoṛko noae hukumatʼkoa, “Ńelpe, darkha rasa ńũkate tinre Amnon doe moṅgonokʼa unreń metape khan, ‘Amnon ńẽdepe,’ Unre ape do unipe gojeya. Ar alope botorokʼa. Ente ińgeń hukumape kana. Diljoṅpe ar daṛeanko hoyokʼpe.”

Bikʼcạrko 19:6

Onate uni do jom lạgitʼe duṛupʼena. Ar hońhartetʼ doe menkeda, “Teheń ńindạ hõ tahen ben ar rạskạkʼ ben.”

Bikʼcạrko 9:27

Onko do akoakʼ khetre senkate darkha joko lenkeda arko porobena. Onko do akoren debotawakʼ mundilte senkateko jom-nũkeda ar Abimelekko sarapadea.

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

Mathae 27:29

Ar jạnum nạ̃ṛĩ reakʼ mukuṭ galaṅkate bohokʼreko horokʼadea, ar jojom tire mitʼṭecʼ ṭheṅgako sapʼadea. Ona tayom ikhṛumkate siṛogateko metadea, “Johar Jihudikoren raj.”

Jesaea 22:13

Menkhan ńelpe, ape do onḍe ḍaṅgra ar bheḍape guretʼkoa, jel ar darkha rasape ńũiyetʼte rạskạ arpe hulạsokʼ kana. Arpe meneda, “Dela, bon jom-ńũwanrege, ente gapa do bon gujukʼa.”

Sereńko 69:26

Am okoeyem sạjại akade onko do unigeko santao akadea; ar okoeyem dal akatʼko onkoakʼ jaljalaoge onkoakʼ galmarao reakʼ bisoe do hoyokʼkana.

Sereńko 69:12

Okoe nagraha reakʼ duạr ṭhenko duṛupʼkan onko talare ińakʼ kathako rakabokʼ kana; ar bul hoṛko hõ iń iạte sereńko joṛaoeda.

Ester 3:15

Rajakʼ hukum ńamkate sombat asenko do usạrateko oḍokena ar Susan gaṛrehõ ona hukum lại jạhirena. Ona tayom raj ar Haman do darkha rasa ńũńũkin duṛupʼena ar Susan nagraharen Jihudiko doko hae nisạsena.

1 Rapajko 20:12

Benhadad ṭhen niạ khobor tinre seṭerena unre uni ar eṭakʼ rajko do tạmbure bubulakʼko ńuńukan tahẽkana. Uni do acʼren hoṛkoe hukumatʼkoa, “Jhãp em lạgitʼ sapṛaokʼpe.” Onate onko do nagraha akromon lạgitʼko sapṛaoena.

Bikʼcạrko 19:9

Ona tayom Liwi do acʼren chuṭki era ar gutiyante tinre calakʼ lạgitʼe sapṛaoena unre hońhartetʼe menkeda, “Ńelben, ber doe khaṭogea are ạyubokʼ lạgidokʼ kana. Onate nonḍege tahen ben ar rạskạ joṅben. Ar gapa do ạḍi setakʼre beretʼkate abenakʼ oṛakʼte ruạṛben.”

Bikʼcạrko 18:20

Niạ katha ańjomkate uni naeke doe kusiyena. Uni do acʼtege ona ephod, deb muṭhạnko ar goṛhon muṭhạnkoante onko hoṛ sãoteye oḍok calaoena.

Bikʼcạrko 16:24

Ar hoṛko hõ Samson ńelkate noa katha menkate akoren Debota sarhaoate memenko ehopʼena, “Aboren Isor do aboakʼ tire aboren bạiriye jimạ akadea; uni do aboakʼ jumi ar phosole nosṭo akada ar aboren ḍher hoṛkoe gocʼ akatʼkoa.”

Bikʼcạrko 16:26

Ar okoeṭakʼ koṛa do uniyakʼ tiye sapʼ akatʼtae tahẽkan Samson do uniye metadea, “Oka khunṭiko cetanre mundil teṅgo akan onako sapʼ ocoạńme jemon onareń ṭenḍar daṛeakʼ.”

Ester 1:10

Eaeakʼ dinre Ahasberos raj do darkha rasae ńuketʼ khan ạḍiye kusiyena ar Mohumon, Bistha, Harbona, Bigtha, Abagtha Sethar ar Karkas ńutuman acʼren noko eae goṭen mạ̃yạ̃ṛikoe hukumatʼkoa Bạsti rạni do rạni mukuṭko horokʼaete acʼ samaṅre jemonko oḍok ạguiye. Rạni do ńelokʼte ạḍi napaeye tahẽkante raj do hoṛko ar cetan hudạren kạmiyạko samaṅre uniyakʼ rup ńel ocoetae lạgitʼe menleda.