Bikʼcạrko 16:24 - সান্তালী বাইবেল

²⁴ Ar hoṛko hõ Samson ńelkate noa katha menkate akoren Debota sarhaoate memenko ehopʼena, “Aboren Isor do aboakʼ tire aboren bạiriye jimạ akadea; uni do aboakʼ jumi ar phosole nosṭo akada ar aboren ḍher hoṛkoe gocʼ akatʼkoa.”

Bikʼcạrko 16:24 Referans Kwoze

Daniel 5:4

Onko do darkha rasa ńũńũkan tulucʼ sona, rupạ, tama, mẽṛhẽtʼ, kaṭ ar dhiriren debotakoko sarhaoketʼkoa.

Johan sodor 11:10

Onko do unkinakʼ mạ̃ṛĩ bako topa ocowakʼa. Ar unkin kin gocʼ akante noa dhạrtirenko doko kusikʼa arko rạskạkʼa. Hoṛko do sandesko kopola, ente okoe doko noa dhạrtiren kan onko do nukin barea nạbi iạte ạḍitetʼ kosṭoko ńamleda.

Habakkuk 1:16

Onko do akoakʼ jhạli ńutumte janwar dãṛẽko samaṅetʼkoa ar or jhạli ńutumte dhupko jeretʼeda, ente jhạli iạtege onko do ḍherko laba ar bhage bhage jomakʼko joma.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Jeheskel 20:14

Menkhan ińakʼ ńutum rukhiyại tiń lạgitʼ iń do ona bạń onkaleda, jemon okoe jạtrenko samaṅre onkoń oḍok giḍiletʼko onko ṭhen ińakʼ ńutum besonotakʼ alo hoyokʼtiń.

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

1 Bõsbudạ 10:9

Onko do Sạulakʼ bohokʼko makʼ kuṭrạketʼte uniyakʼ sajbaj ar khanḍa bhanḍako hataoketʼtaea. Ar akoren sanam debotako ar hoṛko ṭhen lại pasnao lạgitʼ onko do Philisṭi disạm reakʼ sanam jaegate sombatko kolkeda.

1 Samuel 31:9

Onko do Sạulakʼ bohokʼko makʼ kuṭrạketʼte uniyakʼ kicricʼ ar khanḍa bhanḍako hataoketʼtaea. Ar niạ rạskạ sombat do onkoren boṅga oṛakʼkore ar hoṛko ṭhen lại pasnao lạgitʼ Philisṭi disạm reakʼ sanam jaegate sombatko kolkeda.

Bikʼcạrko 15:16

Ar Samson doe menkeda, Mitʼṭen gadhawakʼ jambete lade mude hoṛ, mitʼṭen gadhawakʼ jambetege hajar hoṛkoń gocʼketʼkoa.”

Bikʼcạrko 15:8

Niạ menkate ạḍi bạṛicʼe hạnketʼkoa ar ḍher hoṛgeye gocʼketʼkoa. Ona tayom uni do senkate Etam reakʼ huṭupʼ dhiri ciritʼreye tahẽyena.

Dosar Biboron 32:27

Menkhan iń doń baḍaekan tahẽkana bạiriko do bạḍạiteko perejokʼa ar begor bujhạuteko roṛa baṅma onkoakʼge jitạu do hoyakana; Probhu Isor do noako reakʼ cetʼge bae ceka akada.”

Bikʼcạrko 16:25

Ona tayom onko do rạskạkʼko ehopʼena ar ãṭ aṛaṅteko menkeda, “Samson doe oḍok ocokʼma; ale do uniyakʼ kheloḍle ńeltaea.” Onate onko do hajot khana khon Samsonko oḍok ạgukedea ar Samson do kheloḍ udukʼakoe ehopʼena. Onko do barea khunṭi talare Samsonko teṅgokedea.

Sereńko 97:7

Okoe murhutʼko sewawako kan ar Deb debota iạteko bạḍạiyokʼ kan onko sanamkoge lajaoreko paṛaokʼma; Probhu Isor samaṅre debotako do bohokʼko kuḍbur takoma.

Bikʼcạrko 15:14

Uni do tinre Lehi ṭhene seṭerena unre Philisṭiko do hohowate uni secʼ hijukʼko ehopʼena. Unre Probhu Isorren goḍet do purạ daṛete uni cetanreye hecʼena. Onate uniyakʼ ti reakʼ baberko do lo busupʼ leka hoyena ar uniyakʼ ti do raṛayentaea.