Bikʼcạrko 16:18 - সান্তালী বাইবেল

¹⁸ Dolila do tinreye bujhạukeda, uniyakʼ mon reakʼ joto kathae lại akadea mente unre uni do Philisṭiren disạm cakʼlaoyicʼ ṭhen kathae roṛ gotʼkada, “Ape do ar mitʼ dhao dela hijukʼpe. Uni do mon reakʼ joto kathae lại akadińạ.” Onate Philisṭiren disạm cakʼlaoko do soṅgete rupạko ạgu darakeda.

Bikʼcạrko 16:18 Referans Kwoze

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

Mathae 26:15

“Apeakʼ tire Jisuń soprot lekhan cetʼpe emạńa?” Unre maraṅ naekeko do pegel rupạ ṭaka lekhawadeteko emadea.

Bikʼcạrko 16:5

Philisṭikoren disạm cakʼlaoyicʼ do uni maejiu ṭhen senkateye menkeda, “Samsonakʼ noa maraṅ daṛe do cetʼre menakʼtaea ar cetʼ lekate uni dole tol daṛekea jemonle koboj daṛeae. Onate ale mimitʼko do gelpe keji barsae gram kate rupạle emama.

Ephesiko lạgitʼ Pạul Apostolakʼ ciṭhi 5:5

Khạṭigepe baḍaea, okoeko laṭghaṭetʼkan, okoeko bin napaege ar okoekoko lalociạkokan, metakʼme okoe do boṅga sewakoko ńumogokʼkan onko do Mạsi ar Isorakʼ rajre jãhãn ạidạrige bạnukʼtakoa.

Kạhtukko 18:8

Nindạuicʼakʼ katha do sebel jomakʼ leka, ona do manwa ontor reakʼ khạndrire bolokʼa.

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

1 Rapajko 21:20

Ahab do niạ katha ańjomkate Eliại metadea, “E ińren bạiri, niạ dhao dom ńam akadińạ.” Eliại roṛ ruạṛkeda, “Hẽ, ńam akatʼmegeạń, ente Probhu Isorakʼ mẽtʼre oka bạṛicʼakʼ kan ona onkae lạgitʼge am dom kiriń akana.

Numeri 22:7

Unre bhạg ńel ocoy lạgitʼ Moab ar Midiạnren mukhiyạko do ṭaka-poesa soṅgekateko mohnḍayena. Ar Balak okae metatʼko tahẽkan onkage senkate Biliamko metadea.

Bikʼcạrko 16:17

Onate Samson do joto katha uniye lạiyadea. Samsone menkeda, “Ińakʼ bohokʼre tisge holatʼ do baṅ calao akana. Janam khonge iń do Isor ńutumte mitʼṭen nạsri hoṛ kạnạń. Ińiń hoyo poṭorlen khange ińakʼ daṛe do iń khon ocogokʼa. Ar onate iń do eṭakʼ jãhãe hoṛ leka daṛe hoyokʼtińạ.”

Bikʼcạrko 16:19

Dolila do acʼakʼ hoborre Samsone jạpitʼ ocokedea ar uniyakʼ eae goṭecʼ jaṭa upʼ hoyo poṭortae lạgitʼ mitʼṭen hoṛe hohowadea. Nonkate uni do santaoeye ehopʼkeda ar uniyakʼ daṛe hõ oḍok calaoentaea.