Bikʼcạrko 16:17 - সান্তালী বাইবেল

¹⁷ Onate Samson do joto katha uniye lạiyadea. Samsone menkeda, “Ińakʼ bohokʼre tisge holatʼ do baṅ calao akana. Janam khonge iń do Isor ńutumte mitʼṭen nạsri hoṛ kạnạń. Ińiń hoyo poṭorlen khange ińakʼ daṛe do iń khon ocogokʼa. Ar onate iń do eṭakʼ jãhãe hoṛ leka daṛe hoyokʼtińạ.”

Bikʼcạrko 16:17 Referans Kwoze

Mikạ 7:5

Aḍepaseren hoṛko cetanre bhorsa alope dohoya, ar jãhãe gateko cetanre hõ pạtiạu alope dohoya; hẽ, amakʼ koṛam pheḍreye giticʼkan amren bạhu ṭhen katha hõ sontorte roṛme,

Kạhtukko 12:23

Budan hoṛ do acʼakʼ bidiạ reaṅ bae lại baṛaea, menkhan bebujko do akoakʼ lelhatetʼko lạṭicʼ baṛaea.

Bikʼcạrko 13:5

Ar okoe gidrạm janame uni do tishõ alom hoyo poṭorea, ente uni do janam khonge Isor ńutumte nạsriye hoyokʼa. Uni do Philisṭikoakʼ ti khon Israelkoe bańcaokoa.”

Numeri 6:5

“Tinạkʼ din nạsri mente begar tahen reakʼe kiriạ akan unạkʼ din uni do bohokʼ upʼ bae hoyo poṭortaea. Probhu Isor ńutumteye begar akante uni do Probhu Isorrenge tahen hoyokʼtaea. Uni do acʼakʼ upʼe hara jeleń ocoytaea.

Aposkạmi 18:18

Pạul do ḍher din Korinthreye khemaoketʼ khan biswạsi boehako ṭhen khon bidạye hataokeda ar Akuilạ ar Priskillạ sãote jahajte Siriạ disạme hecʼena. Pạul do mitʼṭecʼe goṭa dohoakatʼ tahẽkante mohnḍakʼ lahare Kenkhreare uni doe hoyo munḍrạyena.

Kạhtukko 29:12

Mạliki calaoetʼ hoṛ eṛe kathae luturakʼ khan uniren sanam kạmiyạko hõko bạṛijokʼa.

Numeri 6:2

“Am do Israel hoponkom baḍae ocokoa, jãhãe herel hopon se maejiuge nạsri lekate Probhu Isor ńutumte begar tahen lạgitʼe manot akatʼ khan,

Bikʼcạrko 16:16

Nonkage Dolila do din hilokʼe ạṛis cabakede khan, uni doe ạṛisena.

Bikʼcạrko 16:18

Dolila do tinreye bujhạukeda, uniyakʼ mon reakʼ joto kathae lại akadea mente unre uni do Philisṭiren disạm cakʼlaoyicʼ ṭhen kathae roṛ gotʼkada, “Ape do ar mitʼ dhao dela hijukʼpe. Uni do mon reakʼ joto kathae lại akadińạ.” Onate Philisṭiren disạm cakʼlaoko do soṅgete rupạko ạgu darakeda.

Kạhtukko 13:3

Okoe acʼakʼ mocae sontortae uni do acʼakʼ jiwiye rukhiyạitaea, menkhan okoe begor sontorte kathae roṛ uni doe jarkharokʼa.