Bikʼcạrko 16:15 - সান্তালী বাইবেল

¹⁵ Onate Dolila do uniye metadea, “Cekatem meneda, ińem dulạṛedińa mente? Amakʼ mon do ińre bạnukʼtama. Niạ ghalokʼ pe dhao bokam benaokedińa. Ar amakʼ noa maraṅ daṛe cetʼre menakʼtama ona do bam baḍae ocoledińa.”

Bikʼcạrko 16:15 Referans Kwoze

Bikʼcạrko 14:16

Samsonren bạhu do unre Samson ṭhen rakʼ rakʼteye menkeda, “Am dom kurudạńkana, ar bam dulạṛedińa. Am do ińren hoṛko mitʼṭecʼem kudum akawatʼkoa menkhan ona reakʼ mane do iń hõ bam lạiyạdińạ.” Samsone roṛ ruạṛkeda, “Ińren go-baba hõ ona reakʼ mane do bạń lại akatʼkinạ, enḍekhan am do cedakʼ iń lạiyama?”

1 Johan 5:3

Isorakʼ hukumko dohoyge hoyokʼkana Isor dulạṛ do. Uniyakʼ hukum do hamal bojha leka do baṅkana,

Johan 15:10

Cetʼleka iń do Babawakʼ sanam hukumkoń dohoyetʼkante uniyakʼ dulạṛre minạńa, onkage ińakʼ hukumkope dohole khan ape hõ ińakʼ dulạṛrepe tahena.

Johan 14:15

“Ińpe dulạṛediń khan ińakʼ sanam hukumkope dohoya.

Kạhtukko 23:26

E bạbu, ińakʼ cecetʼakʼ baṛe moneyakʼme; jemon ińakʼ jion ńeltem rạskạkʼ.

Kạhtukko 2:16

Ạkilge am do loṭghuṭi reakʼ ti khone rukhiyạmea, ar sebel sebel kathaye roṛetʼkan bạṛicʼ maejiuakʼ ti khon hõ.

2 Samuel 16:17

Absalom do Husạiye kulikedea, “Amren gate lạgitʼ pạtiạr do nõkʼõetam? Cedakʼ am do amren gate sãote bam senlena?”

Dosar Biboron 6:5

Ape do apeakʼ goṭa ontorte, goṭa jiwite, goṭa daṛete aperen Probhu Isor dulạṛepe.

Genesis 29:20

Niạ tayom Jakob do Rahel lạgitʼ eae bochore kạmikeda. Jakob do Rahele dulạṛede tahẽkante unạkʼ bochor hõ thoṛa din lekae bujhạukeda.

Bikʼcạrko 16:14

Unre Dolila do uniyakʼ eae goṭecʼ jaṭa upʼ otor sutạmreye tiń mitʼketʼte bhańj khunṭi sãoteye tolketʼteye menkeda, “E Samson, Philisṭiko do sapʼme lạgitʼko hecʼ akana.” Unre Samson do jạpitʼ khone beretʼente bhańj khunṭi do otor sutạm sudhại or totʼkeda.

Bikʼcạrko 16:16

Nonkage Dolila do din hilokʼe ạṛis cabakede khan, uni doe ạṛisena.

Nehemiạ 6:4

Onko do pon dhao inạ khoborge iń ṭhenko kolkeda ar jao dhaoge inạ kathageń roṛ ruạṛatʼkoa.