Bikʼcạrko 15:11 - সান্তালী বাইবেল

¹¹ Unre Jihudạren pe hajar hoṛ do Etam dhiri huṭupʼ reakʼ ciritʼ ṭhen senkate Samsonko metadea, “Philisṭikoko bicạretʼ bon kan ona do cetʼ bam baḍaekana? Alere noa do cetʼem ceka akatʼa? ” Samsone roṛ ruạṛatʼkoa, “Ińre okako ceka akatʼ iń hõ onko cetanreń onka akada.”

Bikʼcạrko 15:11 Referans Kwoze

Bikʼcạrko 14:4

Uniren eṅgat apat do Probhu Isor khonge hoyakan ona do bạkin bujhạu daṛeada, ente uni do Philisṭiko upạrte lạṛhại lạgitʼ mitʼṭecʼ ạte ńam baṛayetʼ tahẽkana. Onako dinre Philisṭiko do Israelko cetanre mạlikiko calaoetʼ tahẽkana.

Bikʼcạrko 13:1

Israel hoponko do Probhu Isorakʼ nońjorre oka bạṛicʼakʼkan onage kạmiko ehopʼena. Onate Probhu Isor do pongel bochor hạbicʼ Philisṭikoakʼ gobolreye dohokatʼkoa.

Dosar Biboron 28:13

Probhu Isorgeye nonkae hoeocoya jemon sanamko khonpe usulokʼ, metakʼme jaṅga latarre do bae dohopea. Aperen Probhu Isorakʼ okako hukum teheńiń emapekan onakope luturakʼ khan ar joton salakʼpe manao arpe ganao, enḍekhan jaogepe usulokʼa, ar bape jaṅga latar ocokʼa.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Dosar Biboron 28:43

“Ape talare girobasokʼan eṭakʼ jạtren hoṛ do ape khonko usulokʼa ar ape dope copotʼ ocokʼa.

Bikʼcạrko 15:10

Jihudạren hoṛko kuliyana, “Cedakʼ ale upạrtepe rakapʼ hecʼakana? ” Onkoko roṛ ruạṛkeda, “Samson tolkate idiye lạgitʼ nonḍele hecʼakana. Ar ale cetanre okae ceka akatʼ ale hõ uni cetanrele onkaea.”

Bikʼcạrko 15:12

Onko do uniko metadea, “Ale do am tolkate Philisṭikoakʼ tire jimạkam lạgitʼle hecʼakana.” Samsone menkeda, “Enḍekhan kiriạwạńpe, bape gojeńa mente.”

1 Bõsbudạ 4:3

Okoeṭakʼ hoṛ do Oṭam atoye benao rakapʼletʼ uniren hoponko doko hoyokʼkana, Jisriyel, Jisma ar Jidbos. Ar onkoren miseratakʼ ńutum do Hotsolil-Poni tahẽkana.