Bikʼcạrko 14:6 - সান্তালী বাইবেল

⁶ Unre Probhu Isorren jiu do uni cetanreye decʼena, ar onate eken tite merom hopon leka uni dhạcri kule or cirạkedea. Menkhan okae cekaketʼ ona do acʼren eṅgat apat hõ bae baḍae ocoletʼkinạ.

Bikʼcạrko 14:6 Referans Kwoze

Bikʼcạrko 3:10

Probhu Isorren Jiu do uni cetanreye hecʼena ar uni do Israelkoren raje hoyena. Uni do tinre lạṛhại lạgitʼe oḍok senena unre Probhu Isor Aramren raj Kusan-Risithayim do uniyakʼ tireye jimạkedea, ar onate uni doe bhagaokedea.

1 Samuel 11:6

Hoṛkoakʼ kathae ańjomketʼ khan Isorren Jiu do Sạul cetanreye hecʼena, ar edrete uni doe seṅgelena.

Bikʼcạrko 13:25

Samson do tinre Sora ar Estaol tala reakʼ Mahan-dan ńutumanakʼ mitʼṭecʼ jaegareye tahẽkana unre Probhu Isorren Jiu do uniye uskurkedea.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Mathae 11:29

Ińakʼ arãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Jesaea 42:2

Uni do bae hohoea ar ãṭ aṛaṅte bae roṛa; uni do kulhikore acʼakʼ aṛaṅ hõ bae ańjom ocoytaea.

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.

Bikʼcạrko 16:30

Ona tayom uni do ãṭ aṛaṅteye menkeda, “Philisṭiko sãote iń hõń gujukʼma!” Niạ menkate uni do kajakteye ḍhekakeda. Onate disạm cakʼlaoko ar bhitriren hoṛko cetanre mundil do rạputʼ ńurena. Nonkate uni do jiwetʼ tahenre tinạkʼ hoṛe gocʼletʼko ona khon ḍher hoṛ acʼakʼ gujukʼreye gocʼketʼkoa.

Bikʼcạrko 15:15

Unre uni do gadhawakʼ berel jambeye hataokeda ar onate mitʼ hajar hoṛe gocʼketʼkoa.

Bikʼcạrko 15:8

Niạ menkate ạḍi bạṛicʼe hạnketʼkoa ar ḍher hoṛgeye gocʼketʼkoa. Ona tayom uni do senkate Etam reakʼ huṭupʼ dhiri ciritʼreye tahẽyena.

Bikʼcạrko 11:29

Unre Probhu Isorren Jiu do Jiptha cetanreye hecʼena. Onate Jiptha do Gilead ar Manase ṭoṭha talate senkate Gilead reakʼ Mispateye calaoena ar onḍe khon Amonrenko birudteye laha idiyena.

Ibriko 11:33

Biswạs hotetege onko do rajosṭiko jitạuleda, hok reakʼko bicạrleda, Isorakʼ gokʼakʼko ńamleda, dhạcri kulkoakʼ mocako bondletʼtakoa,

Bikʼcạrko 14:5

Tayomte Samson do acʼren go-baba sãote Timnạteye senena. Ar Timnạ reakʼ darkha bagwan ṭhene seṭeren khan mitʼṭen dhạcri kul do hạnḍrạuate Samson secʼe laha hecʼena.

Bikʼcạrko 14:7

Tayomte uni do kuṛi ṭhen senkate uni sãoteye galmarokeda ar kuṛi hõ uniye kusiyadea.

1 Samuel 10:6

Unre Probhu Isor do acʼren jiuteye sarbharaomea, ar onate amhõ onko sãote nạbi leka katham roṛa. Ar eṭakʼ lekan hoṛem hoyokʼa.

Sereńko 91:13

Am do kul ar kạrinạṅgiń biń cetantem taṛama, ar dhạcri kul ar biń kidińkom lebetʼ gańjaokoa.

Bikʼcạrko 14:19

Inạ tayom Probhu Isorren jiu do purạ daṛete Samson cetanreye hecʼena. Ar uni do Askilonte senkate onḍenko pe gel hoṛe gocʼketʼkoa ar onkoakʼ jotowakʼe luṭketʼtakoa ar onkoakʼ kicricʼ ạgukate okoe acʼakʼ kudum reakʼ manetetʼko lạiletʼ onkoe ematʼkoa. Ona tayom uni do edrete acʼren apatakʼ oṛakʼteye calaoena.

1 Samuel 10:16

Sạul do acʼren kakattetʼe metadea, “Uni do pusṭạuteye metatʼlińạ, gadha eṅga doko ńamakana.” Menkhan uniyakʼ rajokʼ reaṅ Samuel oka kathae men akawade ona do kakattetʼ bae lạiyadea.

1 Samuel 14:1

Mitʼdin Sạulren hopontetʼ Jonathan do acʼren khanḍa bhanḍa asenicʼ koṛae metadea, “Dela, Philisṭikoakʼ ḍera telaṅ calakʼa.” Menkhan uni do acʼren apattetʼ hõ bae baḍae ocoledea.