Bikʼcạrko 14:4 - সান্তালী বাইবেল

⁴ Uniren eṅgat apat do Probhu Isor khonge hoyakan ona do bạkin bujhạu daṛeada, ente uni do Philisṭiko upạrte lạṛhại lạgitʼ mitʼṭecʼ ạte ńam baṛayetʼ tahẽkana. Onako dinre Philisṭiko do Israelko cetanre mạlikiko calaoetʼ tahẽkana.

Bikʼcạrko 14:4 Referans Kwoze

Josuạ 11:20

Probhu Isor do onko hoṛkoakʼ mone keṭecʼ ocoletʼtakoa jemon Israelko upạrte lạṛhạikate ḍahao maraokʼ sarapakʼren hoṛko hoyokʼ ar daya baṅ ńamkateko gujukʼ. Niạ hukumge Probhu Isor do Moseye emade tahẽkana.

Sereńko 115:3

Aboren Isor do sermare menaea; uni do acʼakʼ sana lekageye kạmikana.

Bikʼcạrko 13:1

Israel hoponko do Probhu Isorakʼ nońjorre oka bạṛicʼakʼkan onage kạmiko ehopʼena. Onate Probhu Isor do pongel bochor hạbicʼ Philisṭikoakʼ gobolreye dohokatʼkoa.

2 Bõsbudạ 22:7

Ar noa hotete Isor do Ahasiại ńur ocokedea. Ahasiạ do onḍe seṭerkate Joram sãote Nimsiren hopon Jehu upạrte lạṛhại lạgitʼe calaoena. Nui Jehuge Probhu Isor do Ahabakʼ bõsko ḍahao marao lạgitʼe bahalledea.

2 Bõsbudạ 10:15

Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Isor khonge noa ghoṭna do hoyena.

2 Rapajko 6:33

Elisae do unhõ kathae roroṛ kan tahẽkana un jokhecʼ uni hoṛ doe hecʼena. Ona tayom raj do hecʼkateye menkeda, “Noa muhin do Probhu Isor ṭhen khonge hecʼakana. Enḍekhan Probhu Isor lạgitʼ do cedakʼ iń biloma?”

1 Rapajko 12:15

Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Probhu Isor khonge noa ghoṭna do hoyena.

2 Bõsbudạ 25:20

Menkhan Amasiạ do ona katha bae luturada. Noa do Isor khon hoyena, ente hoṛko do Edomren debotakoakʼ goṛoko khojletʼte Isor do Jehoahasakʼ tire onkoe jimạletʼkoa.

Bikʼcạrko 15:11

Unre Jihudạren pe hajar hoṛ do Etam dhiri huṭupʼ reakʼ ciritʼ ṭhen senkate Samsonko metadea, “Philisṭikoko bicạretʼ bon kan ona do cetʼ bam baḍaekana? Alere noa do cetʼem ceka akatʼa? ” Samsone roṛ ruạṛatʼkoa, “Ińre okako ceka akatʼ iń hõ onko cetanreń onka akada.”

Bikʼcạrko 14:5

Tayomte Samson do acʼren go-baba sãote Timnạteye senena. Ar Timnạ reakʼ darkha bagwan ṭhene seṭeren khan mitʼṭen dhạcri kul do hạnḍrạuate Samson secʼe laha hecʼena.

Daniel 6:4

Onate onko raj-ạkʼyurko ar onko disạm cakʼlaoko do sorkari kạmi babotre Danielakʼ dos ńam baṛaeko ehopʼena, menkhan bako daṛeada. Unire onko do jãhãn dosge bako ńam daṛeada, ente uni do pạtiạrgeye tahẽkana, jãhãn dos se bhul do unire baṅ tahẽkana.

Bikʼcạrko 15:3

Unre Samson do onkoe metatʼkoa. “Ńitokʼ do Philisṭikoakʼ iń lokshan daṛeatakoa, ar onate jãhãn dos do baṅ hoyokʼtińạ.

1 Rapajko 12:24

Probhu Isore meneda apnar Israelko upạrte lạṛhại lạgitʼ do alo jemonko oḍok calakʼ. Onko do oṛakʼteko ruạṛokʼma, ente noa do Probhu Isorakʼ kạmikana.” Onate onko do Probhu Isorakʼ kathako bataoketʼte Probhu Isorakʼ hukum leka oṛakʼteko ruạṛ calaoena.