Bikʼcạrko 14:3 - সান্তালী বাইবেল

³ Uniren eṅgat apatkin menkeda, “Aboren peṛako se aboren jạtrenko talare cetʼ jãhãn kuṛi do bạnukʼkoa, ar baplakʼ lạgitʼ begor khatna akan Philisṭiko ṭhenem calakʼkana?” Menkhan Samson do apattetʼe metadea, “Baṅa baba, iń lạgitʼ do unige ạguiye ben. Iń do uniregeń kusi akana.”

Bikʼcạrko 14:3 Referans Kwoze

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”

Bikʼcạrko 15:18

Inạ tayom Samson do ạḍi ãṭ tetaṅkedea. Uni do Probhu Isor ṭhene koeketʼteye menkeda, “Am do amren gutim jitạu ocoakadea. Ar ńitokʼ do tetaṅteń gujukʼte cetʼ bin khatna akan hoṛkoakʼ tirem paṛao ocoyińa?”

2 Samuel 1:20

Gatre niạ khobor do alope lạiya, ar Askelon reakʼ hor horte hõ alope lại sodora; arpe onkae khan Philisṭikoren hoponera doko rạskạ joṅa, onko bin khatna hoṛkoren hoponera doko hulạs joṅa.

1 Samuel 31:4

Unre Sạul do acʼren khanḍa bhanḍa asenicʼ hoṛe metadea, “Amakʼ tarwaṛe oḍokkate ińakʼ hoṛmo sobokʼ tabme. Ar baṅkhan onko bin khatna hoṛko hecʼkateko bemanotińạ.” Menkhan uniren khanḍa bhanḍa asenicʼ hoṛ do bae rebenlena, ente uni do ạḍitetʼ botor caṛhao akawade tahẽkana. Unre Sạul do acʼakʼ tarwaṛe cetanreye bhindạṛena.

1 Samuel 17:26

Okoeko hoṛ sorreko teṅgo akan tahẽkan Dạud do onkoe kuliketʼkoa, “Uni Philisṭi gocʼkate Israelko cetan khon niạ henostae ocokʼ lekhan uni do cetʼ cekawaea? Ar nui bin khanta akan Philisṭi doe cele kante jiwetʼ Isorren lạṛhại phạdkoe henostawako kana?”

1 Samuel 14:6

Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”

Genesis 13:8

Unre Abram do Lote metadea, “Ńelme, sor peṛa kanalaṅ. Onate alaṅ talare ar alaṅren gutiko talare jhogṛakʼ do baṅ ṭhika.

Genesis 21:27

Ona tayom Abraham do bhiḍi ar daṅgrakoe ạguketʼkote Abimeleke emadea ar unkin do mitʼṭecʼ kin bandhaokeda.

Bikʼcạrko 14:2

Onḍe khon ruạṛ hecʼkate uni do acʼren go-babae metatʼkinạ, “Iń do Timnạre mitʼṭen Philisṭi kuṛiń ńel ạguakadea; uni sãotege baplakạń ben.”

Josuạ 23:12

“Menkhan onko jạtrenko modre okoe do jiwetʼ menakʼko ar ape talareko tahenkan ar aperen Probhu Isor bạgikate onko sãotepe gatekʼ se onko sãotepe baplakʼ, se onko tulucʼpe helmelpe dohoy,