Bikʼcạrko 14:2 - সান্তালী বাইবেল

² Onḍe khon ruạṛ hecʼkate uni do acʼren go-babae metatʼkinạ, “Iń do Timnạre mitʼṭen Philisṭi kuṛiń ńel ạguakadea; uni sãotege baplakạń ben.”

Bikʼcạrko 14:2 Referans Kwoze

Genesis 34:4

Sikem do acʼren baba Hamore metadea, “Nui kuṛi sãote ińakʼ bapla reakʼ bebostaeme.”

Genesis 21:21

Uni do Paran ńutumanakʼ mitʼṭecʼ hahaṅkar ṭoṭhare girobasokʼe ehopʼena. Ar uniren eṅgattetʼ do Misor disạmren mitʼṭen kuṛi sãoteye baplakadea.

2 Rapajko 14:9

Menkhan Israelren raj do Jihudạren raj ṭhen kathae roṛ gotʼkada, “Lebanon reakʼ aṭkuṭi jạnum do Lebanon reakʼ debdạru dare ṭhen kathae roṛ gotʼkada, ‘ińren hopon sãote amren hoponera baplayem.’ Ona tayom mitʼṭen bir janwar do hecʼkate ona aṭkuṭi jạnumkoe lebetʼ gańjaokeda.

Genesis 38:6

Tayomte Jihudạ do acʼren maraṅicʼ hopon Er sãote Tamor ńutuman mitʼṭen kuṛi tulucʼe baplakadea.

Bikʼcạrko 14:1

Samson do Timnạteye senena, ar onḍe mitʼṭen Philisṭikoren kuṛiye kusiyadea.

Bikʼcạrko 14:3

Uniren eṅgat apatkin menkeda, “Aboren peṛako se aboren jạtrenko talare cetʼ jãhãn kuṛi do bạnukʼkoa, ar baplakʼ lạgitʼ begor khatna akan Philisṭiko ṭhenem calakʼkana?” Menkhan Samson do apattetʼe metadea, “Baṅa baba, iń lạgitʼ do unige ạguiye ben. Iń do uniregeń kusi akana.”

Jirimiạ 29:6

Baplakʼpe ar gidrạko janamkope; aperen hoponko bạhuakope ar hoponerako baplakakope jemon onkoren hõ gidrạko hoyokʼtako. Ape do onḍe saṅgekʼpe, ar alope komaokʼa.