Bikʼcạrko 14:18 - সান্তালী বাইবেল

¹⁸ Eae din hilokʼ cando ạuriye hạsurokʼre atoren onko hoṛ do Samsonko metadea, “Dumur rasa khon do ar cetʼ heṛema? Ar dhạcri kul khon do okoeye daṛeana?” Samson do onkoe metatʼkoa, “Ińren phẽṭaṛte bape sile khan ińakʼ kudum reakʼ mane do ohogepe lại daṛelea.”

Bikʼcạrko 14:18 Referans Kwoze

Bikʼcạrko 14:17

Bhoj reakʼ mucạtʼ din hạbicʼ acʼren bạhu doe rakʼkeda. Ar eae din hilokʼ Samson do acʼren bạhu onae lạiyadea, ente uni doe ạṛis caba akade tahẽkana. Ar unre acʼren bạhu do ona reakʼ manetetʼ acʼren hoṛkoe lạiyatʼkoa.

Bikʼcạrko 14:19

Inạ tayom Probhu Isorren jiu do purạ daṛete Samson cetanreye hecʼena. Ar uni do Askilonte senkate onḍenko pe gel hoṛe gocʼketʼkoa ar onkoakʼ jotowakʼe luṭketʼtakoa ar onkoakʼ kicricʼ ạgukate okoe acʼakʼ kudum reakʼ manetetʼko lạiletʼ onkoe ematʼkoa. Ona tayom uni do edrete acʼren apatakʼ oṛakʼteye calaoena.

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

Kạhtukko 30:30

Dhạcri kul do janwarko modre daṛeanicʼ janwar kanae uni do cele janwarko samaṅ khon hõ bae dạṛ pharakokʼa;

Sereńko 81:16

Menkhan Israel do sanam khon soros utạrakʼ guhumiń jom ocoyea; sạrige iń do ona rasateń tirpit ocokoa one okaṭakʼ do cạṭạni khon ńamokʼkan.”

Jeheskel 1:10

Onkoakʼ mẽtʼãhã reakʼ muṭhạn do manwa muṭhạn lekage tahẽkana ar onko mimitʼkoakʼ jojomsa aṛe reakʼ muṭhạn do dhạcri kulakʼ mẽtʼãhã leka, ar leṅga secʼakʼ muṭhạn do ḍaṅgra mẽtʼãhã leka ar mitʼṭenkate pajhạṛ cẽṛẽyakʼ mẽtʼãhã leka hõ tahẽkantakoa.