Bikʼcạrko 14:14 - সান্তালী বাইবেল

¹⁴ Samsone menkeda, “Jojomicʼ khon do jomakʼ hecʼena, ar daṛeanicʼ khon do heṛemakʼge.” Onko do pe din hạbicʼ noa kudum reakʼ roṛ ruạṛ bako daṛeada.

Bikʼcạrko 14:14 Referans Kwoze

1 Rapajko 17:6

Ar bhonḍa kạhũ do setakʼ ar ạyupʼ jokhecʼ piṭhạ ar jele idiaekan tahẽkana ar uni do ona soḍokʼ reakʼ dakʼe ńũiyetʼ tahẽkana.

Romiko lạgitʼ Pạul Apostolakʼ ciṭhi 8:37

Menkhan okoe apeye dulạṛetʼpe uni hotete noa sanamakʼ talate hõ abo do purạute bon jitạu akana.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Aposkạmi 8:31

Uni kạmiạyicʼe menkeda, “Jãhãe bae bujhạuạń khan cekateń bujhạu daṛekea?” Uni do Philipe nehõradea jemone dejokʼte acʼ ṭhene duṛupʼ.

Mathae 13:11

Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ em akatʼkoa.

Kạhtukko 24:7

Ạkil do khaṭo budan hoṛko khon pharakre tahena; nagraha reakʼ phaṭok duạr ṭhen mocage bae jhija.

2 Bõsbudạ 20:25

Unre Jehosaphat ar uniren hoṛko do luṭ reakʼ jinisko ạguy lạgitʼko senen khan onako mạ̃ṛĩ sãote nunạkʼ jinisko, kicricʼko ar dhon duribko ńamkeda, onko do bako idi caba daṛeada. Luṭ reakʼ jinisko nunạkʼ tahẽkana ona luluṭ cabaete pe din lagaoatʼkoa.

2 Bõsbudạ 20:2

Unre adom hoṛko do hecʼkate Jehosaphatko metadea, “Doreão hanasa Aram disạm khon maraṅ mitʼ lạṛhại phạdko do am upạrteko hijukʼ kana. Onko do Hasason-tamar, metakʼme Engedireko seṭerakana.”

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Bikʼcạrko 14:13

Ar bape lại daṛeạń khan ape do pe gel mĩhĩ musnạ reakʼ oyonakʼ ar pe gel goṭecʼ kicricʼ ińpe imạńa.” Onkoko menkeda, “Amakʼ kudum lạime, onale ańjoma.”

Bikʼcạrko 14:15

Ar eae din hilokʼ onko do senkate Samsonren bạhuko metadea, “Amren jãwãeyem mạluṅea ar niạ kudum reakʼ manetetʼem lạiyaleya. Ar baṅkhan am ar amakʼ gharońjren sanamko seṅgeltele ḍahao maraopea. Ar ale do cetʼ reṅgecʼ ocole lạgitʼ nonḍem neota akatʼlea?”