Bikʼcạrko 14:11 - সান্তালী বাইবেল

¹¹ Samson onḍeye seṭeren khan Philisṭiko do soṅgeae lạgitʼ pe gel koṛakoko ńamadea.

Bikʼcạrko 14:11 Referans Kwoze

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Mathae 9:15

Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko bhabnakʼa? Menkhan okte hijukʼ kana jãwãe beṭa do onko khone idiocokʼa. Ar unre onko doko upạsa.

1 Samuel 16:6

Onkoko hecʼen khan Sạmuel do Eliabe ńelkede khan mon monteye menkeda khạṭige Probhu Isorren ojokʼicʼ hoṛ do acʼ samaṅreye teṅgo akana.

1 Samuel 10:23

Unre hoṛko do ńir senente onḍe khon Sạulko ạgukedea. Ar hoṛko talareye teṅgoyen khan uni do sanamko khon mitʼ phuṭ usule ńelena.

Bikʼcạrko 14:10

Ar Samsonren apattetʼ do uni kuṛi ńele lạgitʼe senena. Unre Samson do onḍe mitʼṭecʼ bhoj reakʼe bebostakeda ente jãwãe koṛa doko onkayetʼ tahẽkana.

Bikʼcạrko 14:12

Samson do onko sãotenkoe metatʼkoa, “Mitʼṭecʼ iń kudum apea. Ar ape do bhoj reakʼ niạ eae din bhitrire noa reakʼpe roṛ ruạṛ daṛeạń khan iń do pe gel mĩhĩ musnạ oyonakʼ ar pe gel goṭecʼ kicricʼ iń emapea.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Jobakʼ 41:6

Jạilạko do cetʼ uni lạgitʼko dor dama? Ar bepariko talare cetʼ uniko hạṭińea?