Bikʼcạrko 13:6 - সান্তালী বাইবেল

⁶ Unre maejiu do jãwãetetʼ ṭhen senkateye menkeda, “Isorren mitʼṭen hoṛ do iń ṭhene hecʼlena. Isorren goḍet lekage uniyakʼ muṭhạn do tahẽkana ạḍitetʼ botorge. Ar oka khone hecʼena ona do bạń kuli ledea ar uni hõ acʼakʼ ńutum do bae lạiyạdińa.

Bikʼcạrko 13:6 Referans Kwoze

1 Samuel 9:6

Menkhan uni guti doe menkeda, “Ńelme, niạ nagrahare Isorren mitʼṭen hoṛe tahena. Uni do sanamkoko manotea ar uni okae men ona do sạri sạrige hoyokʼa. Dela, alaṅ hõ uni ṭhen laṅ calakʼa. Hoedaṛeakʼa uni doe lại daṛeakʼa oka horte calakʼ hoyokʼ talaṅa mente.

Dosar Biboron 33:1

Isorren hoṛ Mose do acʼakʼ gujukʼ lahare Israelko noa menkateye bhoratʼkoa,

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Aposkạmi 6:15

Ado ona maraṅ bạisire okoeko duṛupʼ akan tahẽkan onko sanamkoge Stephanko beṅgetʼ uricʼade khan uniyakʼ mẽtʼãhã do sermaren mitʼṭen goḍetakʼ mẽtʼãhã lekako ńelketʼtaea.

Luk 9:29

Are koejoṅkan tahẽkanrege Jisuakʼ mẽtʼãhã do bodolena ar uniyakʼ kicricʼko hõ pĩṛĩtʼ pĩṛĩtʼ ponḍentaea,

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Daniel 10:11

Uniye metadińạ, “E Isorren dulạṛiạ Daniel, iń okaṭakʼ katha lạiyam lạgitʼ ona do mońjte moneyakʼme. Ma beretʼme, ente iń do am ṭheniń kol ocoakana.” Uni noa kathae metadiń khan iń do thar tharaokʼ tulucʼ iń teṅgoyena.

Daniel 10:5

Un jokhecʼ iń doń beṅgetʼ rakapʼketʼ khan mĩhĩ musnạ kicricʼ horokʼ akatʼ ar ḍanḍare khạṭi sona reakʼ totolakʼteye tol akan mitʼṭen hoṛiń ńelkeda.

Daniel 8:17

Iń okareń teṅgo akan tahẽkan ona ṭhạ̃ireye hecʼen khan iń do botorte otreń bhindạṛena. Uni do ińe metadińạ, “E manwa hopon, noa dorson je ses dinko babot reakʼkan ona baṛe bujhạume.”

2 Rapajko 4:9

Maejiu do acʼren jãwãetetʼe metadea, “Nũkʼũi okoeṭakʼ hoṛ jaoge alaṅ ṭhene hijukʼkan, uni do Isorren mitʼṭen sonot hoṛ kanae menteń bujhạu daṛeakʼkana.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

2 Rapajko 4:16

Elisaeye menkeda, “Hijukʼkan bochor ṭhik niạ oktere amakʼ hoborre mitʼṭen koṛa gidrại tahena.” Maejiue menkeda, “Baṅa, E ińren mạlik, E Isorren hoṛ, amren kạ̃ṛmĩ do alom eṛeyińạ.”

1 Rapajko 17:24

Uni maejiu do unre Eliại metadea, “Iń do ńitokʼ iń bujhạu daṛeakʼ kana am dom Isorren hoṛ kana, ar Probhu Isor am hotete okae men ona do sạrigea.”

1 Rapajko 17:18

Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”

1 Samuel 2:27

Mitʼdin Isorren mitʼṭen hoṛ do Eli ṭhen hecʼkateye menkeda, “Probhu Isore meneda, ‘amren hapṛamko tinre Misorre pharao gobolreko tahẽkana unre onko ṭhen iń do cetʼ pusṭạute bạń sodorlena?

Bikʼcạrko 13:22

Unre Manoho ar uniren bạhuttetʼkin menkeda, “Alaṅ do Isorlaṅ ńelkedea, ar khạṭige laṅ gujukʼa.”

Bikʼcạrko 13:8

Niạ katha ańjomkate Manoho do Probhu Isor ṭhen niạ menkateye koekeda, “E Probhu Isor, nehõrokʼ kạnạń Isorren okoeṭakʼ hoṛ do ạliń ṭhenem kollede, uni do arhõ jemone hijukʼ ar okoeṭakʼ gidrại janamokʼ uni lạgitʼ cetʼ cekae jaruṛa ona jemone sikhạuliń.”

Josuạ 14:6

Jihudạ gusṭiren hoṛko do Gilgalte Josuạ ṭhenko senena ar Kenisi Jephunren hopon Kaleb do uniye metadea, “Probhu Isor do Kades-Barneare acʼren hoṛ Mose ṭhen iń ar am reaṅ okae menletʼ ona dom baḍaegea.

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Exodus 3:2

Onḍe Probhu Isorren mitʼṭen goḍet do jạnum jhạuạre jolokʼkan seṅgelre uni ṭhene ńel ocoyena. Mose doe ńelkeda, ona jạnum jhạuạre seṅgel do jolokʼkangea menkhan baṅ lokʼkana.

Genesis 32:29

Jakob do uniye metadea, “Nehõram kạnạń, amakʼ ńutum baṛe lạiyạńme?” Uniye menkeda, “Ińakʼ ńutum do cedakʼem kuliyedińkana?” Ar noa katha menkate uni do Jakobe bhoradea.

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

Bikʼcạrko 6:11

Mitʼdin Probhu Isorren goḍet do hecʼkate Ophra ato reakʼ Elon dare buṭạreye duṛupʼena. Ona jaega do Abieser bõsren Joasakʼ ạidạrire tahẽkana. Onḍe uniren hopon Gideon do Midiạnrenko ṭhen khon guhum okoe lạgitʼ darkha lelen kunḍre onae enokʼkan tahẽkana.

Bikʼcạrko 13:3

Probhu Isorren goḍet do uniren bạhu ṭhen ńel ocoyenteye menkeda, “Bạńjhigetem gidrạge bako hoyakantama, menkhan am dom bhạrti hoṛmokʼa ar mitʼṭen koṛa hoponem janamea.

Bikʼcạrko 13:7

Uni doe metadińạ, ‘am dom bhạrti hoṛmokʼa ar amren do mitʼṭen koṛa gidrại hoyokʼtama. Onate am do ńit khon darkha rasa se jãhãn bubulakʼ se jãhãn chutakʼ jinisko alom joma, ente janam khon gujukʼ hạbicʼ uni do Isor ńutumte nạsriye hoyokʼa.’ ”

Bikʼcạrko 13:10

Onate uni maejiu do usạra senkate acʼren jãwãetetʼe metadea, “Enhilokʼ okoeṭakʼ hoṛ iń ṭhene ńel ocolen uniye hecʼakana.”