Bikʼcạrko 13:5 - সান্তালী বাইবেল

⁵ Ar okoe gidrạm janame uni do tishõ alom hoyo poṭorea, ente uni do janam khonge Isor ńutumte nạsriye hoyokʼa. Uni do Philisṭikoakʼ ti khon Israelkoe bańcaokoa.”

Bikʼcạrko 13:5 Referans Kwoze

Numeri 6:5

“Tinạkʼ din nạsri mente begar tahen reakʼe kiriạ akan unạkʼ din uni do bohokʼ upʼ bae hoyo poṭortaea. Probhu Isor ńutumteye begar akante uni do Probhu Isorrenge tahen hoyokʼtaea. Uni do acʼakʼ upʼe hara jeleń ocoytaea.

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”

1 Bõsbudạ 18:1

Dạud do Philisṭikoe bhagaoketʼkoa ar acʼakʼ gobolreye dohoketʼkoa. Uni do Philisṭikoakʼ ti khon Gat ar ona aḍepase reakʼ atokoe hat ruạrkeda.

1 Samuel 7:13

Nonkate Philisṭiko doko koboj ocoyena. Inạ tayom onko do ar Israelkoakʼ simạnakote ar bako bololena. Samuel tinạkʼ din jiwetʼe tahẽkan unạkʼ din Probhu Isor do Philisṭiko birudteye tahẽkana.

2 Samuel 8:1

Dạud do Philisṭikoe bhagaoketʼko khan acʼakʼ gobolreye ạguketʼkoa. Uni do Philisṭikoakʼ ti khon Metheg-ama nagrahae hatkeda.

Luk 1:15

Ente Probhu Isorakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhireye tahen khonge sonot Jiuteye perejokʼa.

Bikʼcạrko 16:17

Onate Samson do joto katha uniye lạiyadea. Samsone menkeda, “Ińakʼ bohokʼre tisge holatʼ do baṅ calao akana. Janam khonge iń do Isor ńutumte mitʼṭen nạsri hoṛ kạnạń. Ińiń hoyo poṭorlen khange ińakʼ daṛe do iń khon ocogokʼa. Ar onate iń do eṭakʼ jãhãe hoṛ leka daṛe hoyokʼtińạ.”

Amos 2:11

E Israelren hoṛko, noa do cetʼ sạri katha baṅkana, one aperen hoponko mod khon adom do nạbiko ar adom do nasriạkoń bachaoan tahẽkana mente?