Bikʼcạrko 13:25 - সান্তালী বাইবেল

²⁵ Samson do tinre Sora ar Estaol tala reakʼ Mahan-dan ńutumanakʼ mitʼṭecʼ jaegareye tahẽkana unre Probhu Isorren Jiu do uniye uskurkedea.

Bikʼcạrko 13:25 Referans Kwoze

Bikʼcạrko 3:10

Probhu Isorren Jiu do uni cetanreye hecʼena ar uni do Israelkoren raje hoyena. Uni do tinre lạṛhại lạgitʼe oḍok senena unre Probhu Isor Aramren raj Kusan-Risithayim do uniyakʼ tireye jimạkedea, ar onate uni doe bhagaokedea.

Josuạ 15:33

Latar buru ṭoṭhako modre okako nagraha ar atokoko ńamletʼ onako do hoyokʼ kana: Estaol, Sora, Asna,

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Mathae 4:1

Inạ tayom Jisu do Jiu hotete hahaṅkar jaegateye idi ocoyena Soetan ṭhen biḍạu ocokʼ lạgitʼ.

1 Samuel 11:6

Hoṛkoakʼ kathae ańjomketʼ khan Isorren Jiu do Sạul cetanreye hecʼena, ar edrete uni doe seṅgelena.

Bikʼcạrko 11:29

Unre Probhu Isorren Jiu do Jiptha cetanreye hecʼena. Onate Jiptha do Gilead ar Manase ṭoṭha talate senkate Gilead reakʼ Mispateye calaoena ar onḍe khon Amonrenko birudteye laha idiyena.

Bikʼcạrko 6:34

Unre Probhu Isorren Jiu do Gideone daṛe ocokedea. Ar Gideon do sakwae oroṅkeda ar Abieser gusṭirenko acʼ ṭhen hecʼkateko jarwayena.

Bikʼcạrko 14:1

Samson do Timnạteye senena, ar onḍe mitʼṭen Philisṭikoren kuṛiye kusiyadea.

Bikʼcạrko 14:19

Inạ tayom Probhu Isorren jiu do purạ daṛete Samson cetanreye hecʼena. Ar uni do Askilonte senkate onḍenko pe gel hoṛe gocʼketʼkoa ar onkoakʼ jotowakʼe luṭketʼtakoa ar onkoakʼ kicricʼ ạgukate okoe acʼakʼ kudum reakʼ manetetʼko lạiletʼ onkoe ematʼkoa. Ona tayom uni do edrete acʼren apatakʼ oṛakʼteye calaoena.

Bikʼcạrko 18:2

Ona iạte Dan gusṭirenko do Sora ar Estaol khon akoren mõṛẽ goṭen bir banṭa hoṛ do khobor hatao lạgitʼko kolkatʼkoa jemon onko do mońj okocʼte disạmko ciyạ ạgu daṛeakʼ. Onate onko do bir banṭa hoṛko metatʼkoa, “Ape do disạm reakʼ mońjtepe ciyạ ạguitabona.” Onate onko hoṛ do Ephrayim reakʼ buru ṭoṭhate senkateko boloyena ar ńindạ do Mikạwakʼ oṛakʼreko tahẽ aṅgayena.

Josuạ 19:41

Onkoakʼ sompotti modre Sora, Estaol, Ir-semes,

Bikʼcạrko 16:31

Tayomte uniyakʼ apatakʼ gharońjrenko ar uniren boehako do mạ̃ṛĩ iditae lạgitʼko hecʼena. Onko do uniyakʼ mạ̃ṛĩ idikate Sora ar Esṭaol talare acʼ apat Manohoakʼ topareko baekadea. Samson do bargel bochor hạbicʼ Israelkoakʼ bicạrketʼtakoa.