Bikʼcạrko 13:20 - সান্তালী বাইবেল

²⁰ Seṅgel reakʼ lepʼ tinre pinḍ khon cetante serma secʼ rakabokʼkan tahẽkana unre Probhu Isorren goḍet do ona lepʼ seṅgelte coṭteye rakapʼ calaoena. Ar noa ńelte Manoho ar uniren bạhuttetʼ do otrekin ombakʼ hapeyena,

Bikʼcạrko 13:20 Referans Kwoze

Levitikus 9:24

Ar Probhu Isor ṭhen khon seṅgel oḍok hecʼente pinḍ cetan reakʼ jeredokʼ samaṅokʼakʼ ar sanam itilkoe jomkeda. Ar noa ńelte hoṛ doko sạhnạskeda ar taberenteko sewakeda.

1 Bõsbudạ 21:16

Inạ oktere Dạud do cetan secʼ beṅgetʼketʼteye ńelkeda, Probhu Isorren goḍet do rimilreye teṅgo akana ar uniyakʼ ti reakʼ tarwaṛe do Jerusalem cetanre tul akana. Noa ńelte Dạud ar murubbiko do gõṛẽ kicricʼko horokʼ akatʼ tahẽkanrege otreko taber hapeyena.

2 Rapajko 2:11

Unkin do galmarao tulucʼ kin calakʼkan tahẽkanre ackage mitʼṭen seṅgel reakʼ rãt gạḍi ar seṅgelren sadomko hecʼkate unkinko begarketʼ kinạ ar Eliạ do mitʼṭecʼ hoe bharḍo talate sermateye rakapʼ ocoyena.

Jeheskel 1:28

Dakʼ dinre rimil tala khon liṭạ akʼ leka ona beṛhaete ona marsal do ńelokʼkan tahẽkana. Okań ńelketʼ ona do Probhu Isorakʼ ṭhonokge tahẽkana. Ona ńelte iń do otreń ombakʼena ar mitʼ hoṛ katha roroṛiń ańjomkedea.

Mathae 17:6

Noa katha ańjomkate celako do ạḍiko botorena ar otreko taber hapeyena.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

1 Bõsbudạ 21:26

Dạud do onḍe Probhu Isor ńutumte mitʼṭecʼ pinḍe benaokeda ar jeredokʼ samaṅokʼakʼ ar sulukren samaṅokʼakʼe samaṅkeda. Uni do Probhu Isor ṭhene nehõrena ar Probhu Isor do jeredokʼ samaṅokʼakʼ pinḍ cetanre serma khon seṅgele kolkeda.

Genesis 17:3

Ona iạte Abram do otreye obmakʼena ar Isor do uni sãote katha roroṛe ehopʼena.

Daniel 10:9

Ona tayom do uni hoṛakʼ kathań ańjom ńamkeda ar uniyakʼ katha ańjomtorage iń do otre acetge ombakʼ akaniń tahẽyena.

Jeheskel 1:26

Ar onḍe nilkanto mạnik reakʼ siṅghạson leka ńelena. Ar ona coṭre menakʼ siṅghạson cetanre manwa muṭhạn leka mitʼ hoṛiń ńelkedea.

Sereńko 47:5

Isor do hulạs aṛaṅre menaea, Probhu do sakwa reakʼ sạderege menaea.

Bikʼcạrko 6:19

Gideon do bhitrite bolokate mitʼṭen merom hopon gurkateye isinkedea ar gel irạl keji holoṅ tulucʼ thoṛa bin khạmiyanakʼ piṭhạye benaokeda. Ona tayom onako bahrete ạgukate Elon dare buṭạre Probhu Isorren goḍet samaṅreye dohokeda.

Bikʼcạrko 6:21

Unre Probhu Isorren goḍetakʼ tire okaṭakʼ ṭheṅga tahẽkan ona reakʼ agalte ona jel ar bin khạmiyanakʼ piṭhạye ṭunḍukeda. Onate dhiri khon seṅgel rakapʼente jel ar piṭhạye atarkeda, Ar Probhu Isorren goḍet doe chanena.

1 Bõsbudạ 21:21

Dạud doe sen laha idiyen khan Arowna do khạrại bạgikate uni samaṅre senkate otre ombakʼkateye ḍobokʼadea.