Bikʼcạrko 13:12 - সান্তালী বাইবেল

¹² Manoho do uniye kulikedea, “Amakʼ kathako tinre purạukʼa unre gidrạ do cetʼlekan jione khemaoa ar uni do cetʼe kạmiya?”

Bikʼcạrko 13:12 Referans Kwoze

Ephesiko lạgitʼ Pạul Apostolakʼ ciṭhi 6:4

E babako, aperen gidrạko alope ạṛis ocokoa, bickom Probhu Isorakʼ ḍanṭao ar sikhạunate hara burukope.

Kạhtukko 22:6

Gidrạ do ṭhik horte taṛam cetʼaeme, uniye haṛamlenre hõ ona hor khon do bae ghańjeṛokʼa.

Kạhtukko 4:4

Unre iń baba doe cetʼạń tahẽkanteye menetʼ tahẽkana, “Amakʼ goṭa ontorte ińakʼ kathako sapʼ dohokakʼme; ar ińakʼ hukumko dohoyme, onate jiwetʼem tahena.

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Bikʼcạrko 13:11

Niạ katha ańjomkate Manoh doe beretʼena ar bạhutetʼ sãote uni hoṛ ṭhen senkateye metadea, “Ińren oṛakʼ hoṛ sãote okoeye galmaraoletʼ uni do cetʼ am kangeam?” Uniye menkeda, “Hẽ, uni kangeạń.”

Bikʼcạrko 13:13

Probhu Isorren goḍete roṛ ruạṛkeda, “Amren bạhu okań men akawade ona reakʼ jotowakʼge jemon joton salakʼe manao.

Sereńko 143:8

Setakʼre amakʼ asambheṛ dulạṛ reakʼ katha ańjomạńme, ente iń do am cetanregeń ṭehãḍ akana; ar okaṭakʼ horte calakʼ hoyokʼ ona hõ udukʼạńme, ente ińakʼ ontor do am secʼgeń rakapʼ akatʼtińạ.