Bikʼcạrko 12:6 - সান্তালী বাইবেল

⁶ Enḍekhan onkoko menetʼ tahẽkana, “Bhagegea, tobe mase menme, ‘Sibboleth.’ ” Onate uni do katha ṭhik leka bae roṛ daṛeakʼteye mena, “Chiboleth, ” Ar onate sapʼkate uni do jordan gaḍa reakʼ taṛam paromokʼkan jaegaregeko gojekan tahẽkana. Nonkate unre pongel bar hajar Ephrayimko gocʼketʼkoa.

Bikʼcạrko 12:6 Referans Kwoze

Galathiko lạgitʼ Pạul Apostolakʼ ciṭhi 5:15

Menkhan ape apepe jhogṛakʼ arpe hipiskạ kan khan men sontorokʼpe! Arpe nonkae khan ape do apetegepe maraokʼa.

Mark 14:70

Patras do arhõe baṅkeda. Ado thoṛa ghạṛicʼ tayom sorre okoeko teṅgo akan tahẽkan onko hõ Patrasko metadea, “Khạṭige am do onko modren mitʼ hoṛ kanam, ente am dom Gạlilren kana.”

Mathae 26:73

Mitʼ ghạṛi tayom onḍe teṅgo akan tahẽkanko hõ Patras ṭhen hecʼkateko menkeda, “Khạṭige am hõ onko modren kangeam; ente amakʼ kathategem sapʼocokʼ kana.”

Mathae 12:25

Jisu do Phạrusikoakʼ mone joṅakʼkoe baḍaeketʼ khane metatʼkoa, “Okaṭakʼ rajosṭi apnar talare hạṭińokʼ ona rajosṭi do marao utạrokʼa. Ar okaṭakʼ nagraha se gharońj apnar talare hạṭińokʼ ona nagraha se gharońj hõ baṅ ṭikạukʼa.

Jesaea 27:12

E Israelko, enhilokʼ ạtu calakʼkan phurạt gaḍa khon Misor reakʼ rohoṛ gaḍa hạbicʼ Probhu Isor do anaj lekae en pea ar ape mimitʼko dope samṭao ocokʼa.

Sosolhayic̕ 10:12

Ạkilan hoṛakʼ moca kathare do daya menakʼa, menkhan bebujicʼ do acʼakʼ moca kathateye marao ocokʼa.

Kạhtukko 18:19

Boeha hoteteye opoman ocoakan boeha do kajak nagraha khon hõe keṭecʼgea; ar jhogṛa kạphạriạu do raj dolan reakʼ huṛkạṛ leka.

Kạhtukko 17:14

Jhogṛa reakʼ ehopʼ do phoṛ oḍokokʼkan dakʼ leka, onate reṭepeṭe ehobokʼrege ona do ikạkakʼme.

Sereńko 69:15

Ḍubạ dakʼ jemon iń cetante alo ạtukʼ; ar athantar dakʼ jemon bae unum daṛeạń; ar kuń hõ alo jemone sikupʼ esediń.

Sereńko 69:2

Iń do khạndri gheorareń unumokʼ kana, onḍe do ińakʼ teṅgokʼ reakʼ ṭhạ̃ige bạnukʼa. Iń do khạndri dakʼreń paṛao akana; ar ḍubạ dakʼ do iń cetante ạtukʼ kana.

Bikʼcạrko 12:5

Onate Gileadrenko do Jordan gaḍa reakʼ oka jaegare taṛamte paromokʼ ar Ephrayim ṭoṭha secʼ senokʼ jaegakoko hatkeda. Ar Ephrayim gusṭiren sarecʼ jãhãe hoṛge tinreko menetʼ tahẽkana, “Parom ocoạńme,” Unre Gileadren hoṛko do uniko kuliyede tahẽkana, “Am do cetʼ Ephrayim hoṛ kanam?” Uni doe roṛ ruạṛetʼ tahẽkana, “Baṅa,”

Bikʼcạrko 12:7

Gileadren Jiptha do turui bochor Israelkoakʼe bicạrketʼtakoa. Ar uniye gocʼen khan uni do Gilead reakʼ mitʼṭecʼ atoreko topakedea.